വണ്ടന്മേട് സെന്റ്. ആന്റണീസ് ഹൈസ്കൂളിൽ ശിശുദിനാഘോഷവും ക്വീസ് മത്സരവും സംഘടിപ്പിച്ചു
വണ്ടന്മേട് കിസാൻ സർവ്വീസ് സൊസൈറ്റിയുമായി ചേർന്ന് ആണ് ഹൈസ്കൂൾ കുട്ടികൾക്കായി ക്വിസ് മത്സരവും നടത്തിയത്.
സ്കൂൾ ഹെഡ്മിസ്ട്രസ് കൊച്ചുറാണി ജോർജ് അധ്യക്ഷത വഹിച്ചു,
പി. ടി. എ പ്രസിഡന്റ് സജി സാമുവൽ ഉദ്ഘാടന കർമ്മം നിർവ്വഹിച്ചു.
ശിശുദിനാഘോഷത്തിൽ ശിശുദിന റാലി, കുട്ടികളുടെ കലാപരിപാടികൾ, ‘ ഒരുമയോടെ ഒരു മനസ്സായി ‘എന്ന പരിപാടിയുടെ ഭാഗമായി വിഭവ സമൃദ്ധമായ ഉച്ചഭക്ഷണവും എല്ലാ കുട്ടികൾക്കും നൽകി.
കിസാൻ സർവ്വീസ് സൊസൈറ്റിയുടെ നേതൃത്വത്തിൽ നടത്തിയ ക്വിസ് മത്സരത്തിൽ മൂന്ന് വിദ്യാർത്ഥികൾ വീതമുള്ള പതിനഞ്ച് ഗ്രൂപ്പുകൾ രൂപീകരിച്ചു. വിജയികളായ കുട്ടികൾക്ക് മൊമെന്റോയും സർട്ടിഫിക്കറ്റും നൽകി ആദരിച്ചു.
അധ്യാപകരായ സോജൻ ആന്റണി, ലൗലി ജോസഫ്, അനിമോൾ വി എബ്രഹാം, സൊസൈറ്റി പ്രസിഡന്റ് മോൻസി ബേബി ഭാരവാഹികളായ ജോസഫ് എ. ടി, ഷിനോയ് ചാക്കോ, ബിജു ജേക്കബ്, സിനി ഷിനോയ്, കെ. സന്തോഷ്‌ എന്നിവർ പരിപാടികൾക്ക് നേതൃത്വം നൽകി.
