കോഴിപ്പിള്ളി സർക്കാർ എൽ പി സ്കൂളിൽ ശിശുദിനാഘോഷം നടത്തി

കോഴിപ്പിള്ളി സർക്കാർ എൽ പി സ്കൂളിൽ ശിശുദിനാഘോഷം വാരപ്പെട്ടി ഗ്രാമപഞ്ചായത്ത് പ്രസിഡന്റ് ചന്ദ്രശേഖരൻ നായർ ഉദ്ഘാടനം ചെയ്തു. ശിശുദിനാഘോഷത്തോടനുബന്ധിച്ച് ശിശുദിന റാലിയും മധുര പലഹാര വിതരണവും നടത്തി.
ശിശുദിന പ്രത്യേക അസംബ്ലിയിൽ മയക്കു മരുന്നിനെതിരെയുള്ള പ്രതിജ്ഞ സീനിയർ അസിസ്റ്റന്റ് ശ്രുതി കെ.എൻ. ചൊല്ലി കൊടുത്തു. ചാച്ചാജിയുടെ വേഷമണിഞ്ഞു എത്തിയ കുരുന്നുകൾ ഏറെ കൗതുകമുണർത്തി. വാരപ്പെട്ടി ഗ്രാമപഞ്ചായത്ത് പ്രസിഡണ്ട് പി.കെ ചന്ദ്രശേഖരൻ നായർ ശിശുദിന സന്ദേശവും നൽകി.സ്കൂൾ പിടിഎ പ്രസിഡന്റ് ഷിയാസ് എൻ കെ, ഹെഡ്മാസ്റ്റർ ഫ്രാൻസിസ് ജെ പുന്നോലിൽ, വിദ്യാർത്ഥി പ്രതിനിധി കിഷോൺ സിജു സ്രാമ്പിക്കൽ, അധ്യാപകരായ അമ്പിളി എൻ,ജെൻസഖാദർ, അൽഫോൻസ സി. ടി, സിനി മോൾ കെ.കെ, രശ്മി കെ, ആർ, ശ്രീകല എം. എച്ച് എന്നിവ സംസാരിച്ചു.