ഇന്ത്യക്ക് വേണ്ടി സ്വർണ്ണം നേടിയ ഹരീഷ് വിജയന് നെടുമ്പാശ്ശേരിയിൽ SNDP യോഗം കട്ടപ്പന ശാഖയുടെ സ്വീകരണം
ബംഗ്ലാദേശിലെ ധാക്കയിൽ നടന്ന അന്താരാഷ്ട്ര സാംബോ ചാമ്പ്യൻഷിപ്പിൽ ഇന്ത്യക്കു വേണ്ടി സ്വർണ്ണ മെഡൽ നേടി രാജ്യത്തിൻ്റെ അഭിമാനമായ കട്ടപ്പനക്കാരൻ ഹരീഷ് വിജയൻ സൂര്യൻ കുന്നേലിന് ജൻമനാടിൻ്റെ ഗംഭീര സ്വീകരണം നൽകുന്നത്.
നെടുമ്പാശ്ശേരി ഏയർ പോർട്ടിൽ SNDP യൂണിയൻ കട്ടപ്പന ശാഖ പ്രസിഡന്റ് സന്തോഷ് ചാളനാട്ടിന്റ് നേതൃത്വത്തിൽ സ്വീകരിച്ചു.
നവംബർ 10 ന് വെള്ളിയാഴ്ച വൈകുന്നേരം 4.30 ന് കട്ടപ്പന വള്ളക്കടവിൽ നടക്കുന്ന സ്വീകരണ സമ്മേളനം ജലവിഭവവകുപ്പ് മന്ത്രി റോഷി അഗസ്റ്റിൻ ഉത്ഘാടനം ചെയ്യും. മുൻസിപ്പൽ ചെയർപേഴ്സൺ ഷൈനി സണ്ണി ചെറിയാൻ, കൗൺസിലർമാർ, ലൈബ്രറി പ്രവർത്തകർ സാമൂഹ്യ- രാഷ്ട്രീയ-സാംസ്കാരിക-സാമുദായിക നേതാക്കൾ തുടങ്ങിയവർ ആശംസകൾ അർപ്പിക്കും. വള്ളക്കടവ് നാരായണ ഭജനമന്ദിരത്തിനു മുമ്പിൽ നിന്നും ആരംഭിക്കുന്ന പ്രൗഢോജ്വലമായ റാലി വാദ്യമേളങ്ങളുടെയും, താളമേളങ്ങളുടെയും കുടുംബശ്രീ പ്രവർത്തകരുടെയും, ജനപ്രതിനിധികളുടെയും സാന്നിധ്യം കൊണ്ടും ഉത്സവ ലഹരിയിലാകും. പരിപാടിയുടെ വിജയത്തിനായി അഡ്വ.കെ.ജെ. ബെന്നി ചെയർമാനായും, വി.സി രാജു കൺവീനറായും, കൗൺസിലർമാരായ മനോജ് മുരളി, ഷജി തങ്കച്ചൻ, മായാ ബിജു, സജിമോൾ ഷാജി എന്നിവർ രക്ഷാധികാരികളായി 101 അംഗ സംഘാടക സമിതി രൂപീകരിച്ചു.
