ഇരട്ടയാർ ശാന്തിഗ്രാമിൽ 4 വ്യാപാരസ്ഥാപനങ്ങളിൽ മോഷണം. ഇരുപതിനായിരത്തോളം രൂപ നഷ്ടപ്പെട്ടു

ഇന്ന് വെളുപ്പിന് ഒരു മണിയോടെ ഒരാൾ റോഡിലൂടെ നടന്നുപോകുന്നത് CCTV യിൽ പതിഞ്ഞിരുന്നു. ഒന്നേകാലോടെ പ്രദേശത്തെ വൈദ്യുതി നിലക്കുകയും ചെയ്തു.
ശാന്ത്രിഗ്രാമിലേയും അന്തോപ്പിക്കവലയിലേയും ട്രാൻസ്ഫോർമറിൽ നിന്നും പ്യൂസ് ഊരിമാറ്റിയ ശേഷമാണ് മോഷണം നടന്നിരിക്കുന്നത്. SR ചിക്കൻ സെൻ്ററിൽ നിന്നും 7600 രൂപയും മാളിയേക്കൽസ് സ്റ്റോഴ്സിൽ നിന്നും 7500 ഓളം രൂപയും നഷ്ടപ്പെട്ടു.


സമീപമുള്ള സുമി കോഫീ ബാറിൻ്റെ താഴ് തകർത്ത നിലയിലുമാണ്.
കൂടാതെ ശാന്തിഗ്രാം ഇടിഞ്ഞമല റോഡിൽ പ്രവർത്തിക്കുന്ന കൊച്ചുപറമ്പിൽ സ്റ്റോഴ്സിൽ നിന്നും 3500 ഓളം രൂപയും രേഖകളടങ്ങിയ പഴ്സുമാണ് നഷ്ടപ്പെട്ടിരിക്കുന്നത്.
തങ്കമണി പോലീസ് സ്ഥലത്തെത്തി അന്വേഷണം ആരംഭിച്ചു. ശാന്തിഗ്രാം മേഖലയിൽ പോലീസ് പട്രോളിംഗ് പേരിന് മാത്രമേ നടത്താറുള്ളുവെന്നും പട്രോളിംഗ് സ്ഥിരമായി നടത്തണമെന്നും പ്രദേശവാസികൾ ആവശ്യപ്പട്ടു.