Idukki വാര്‍ത്തകള്‍കേരള ന്യൂസ്പ്രധാന വാര്‍ത്തകള്‍പ്രാദേശിക വാർത്തകൾ
യുഎഇയുടെ 52-ാമത് ദേശീയ ദിനം; പത്ത് ദിവസം നീളുന്ന ആഘോഷ പരിപാടികള്‍ സംഘടിപ്പിക്കാൻ ഷാര്‍ജ
അബുദാബി: യുഎഇയുടെ 52-ാമത് ദേശീയ ദിനത്തിന്റെ ഭാഗമായി പത്ത് ദിവസം നീളുന്ന ആഘോഷ പരിപാടികള്‍ സംഘടിപ്പിക്കാന്‍ ഷാര്‍ജ ഭരണകൂടം തയ്യാറെടുക്കുന്നു. ഷാര്‍ജ കിരീടാവകാശിയും ഡെപ്യൂട്ടി ഭരണാധികാരിയുമായ ഷെയ്ഖ് സുല്‍ത്താന്‍ ബിന്‍ മുഹമ്മദ്അല്‍ ഖാസിമിയുടെ അദ്ധ്യക്ഷതയില്‍ ചേര്‍ന്ന എക്സിക്യൂട്ടീവ് കൗണ്‍സില്‍ യോഗം ഇതുസംബന്ധിച്ചുള്ള നിര്‍ദേശം ചര്‍ച്ച ചെയ്തു. ഡിസംബര്‍ രണ്ടിനാണ് യുഎഇ ദേശീയ ദിനം ആഘോഷിക്കുന്നത്.
പത്ത് ദിവസങ്ങളിലായി ഷാര്‍ജയിലെ എല്ലാ നഗരങ്ങളിലും പ്രദേശങ്ങളിലും ആഘോഷങ്ങള്‍ നടക്കും. വൈവിധ്യമാര്‍ന്ന പരിപാടികള്‍, ശില്‍പശാലകള്‍, വിവിധ മത്സരങ്ങള്‍ എന്നിവ ആഘോഷത്തിന്റെ ഭാഗമായി സംഘടിപ്പിക്കും. കഴിഞ്ഞ വര്‍ഷം നവംബര്‍ 24 മുതല്‍ ഡിസംബര്‍ മൂന്ന് വരെയായിരുന്നു ഷാര്‍ജയില്‍ ദേശീയ ദിനാഘോഷം.
