Idukki വാര്‍ത്തകള്‍കേരള ന്യൂസ്പ്രധാന വാര്‍ത്തകള്‍പ്രാദേശിക വാർത്തകൾ
ജെ.പി.എം ബി.എഡ് കോളേജിൽ അധ്യാപകദിനം ആഘോഷിച്ചു
എസ് രാധാകൃഷ്ണന്റെ ജന്മദിനമായ സെപ്റ്റംബർ 5 അധ്യാപകദിനത്തോടനുബന്ധിച്ച് ജെ.പി.എം.ബി.എഡ്.കോളേജിൽ അധ്യാപകദിനം ആഘോഷിച്ചു. കോളേജ് മാനേജർ റവ.ഫാ അബ്രാഹം പാനിക്കുളങ്ങര യോഗം ഉദ്ഘാടനംചെയ്തു. മുരിക്കാട്ടു കുടി ഗവ. ട്രൈബൽ എച്ച്. എസ്.എസ്. അധ്യപിക ലിൻസി ജോർജ് മുഖ്യാതിഥി ആയിരുന്നു. കോളേജ് വൈസ് പ്രിൻസിപ്പൽ സിനോബി സെബാസ്റ്റ്യൻ അധ്യക്ഷ പദം അലങ്കരിച്ചു. യോഗത്തിൽ അധ്യാപക അവാർഡ് ജേതാവായ ലിൻസി ടീച്ചറിനെ കോളേജ് മാനേജർ ആദരിച്ചു. കോളേജ് ബർസാർ റവ.ഫാ ജോബിൻ പേനാട്ടുക്കുന്നേൽ , അധ്യാപിക കൊച്ചുറാണി വർഗ്ഗീസ്, വിദ്യാർത്ഥി പ്രതിനിധി തോമസ്ക്കുട്ടി ആന്റണി എന്നിവർ ആശംസകൾ അറിയിച്ചു. കോളേജില മുഴുവൻ അധ്യാപകരെയും വിദ്യാർഥികൾ ആദരിക്കുകയും ചെയ്തു.
