അടിമാലി ആനച്ചാലിൽ വാഹനാപകടം; മഹാരാഷ്ട്ര സ്വദേശിയായ യുവാവ് മരിച്ചു

ആനച്ചാൽ കുഞ്ചിത്തണ്ണി റോഡിൽ ആഡിറ്റ് കയറ്റത്തിന് സമീപം വാഹനാപകടത്തിൽ യുവാവ് മരിച്ചു.ഇരുചക്രവാഹനവും ജീപ്പും തമ്മിൽ കൂട്ടിയിടിച്ചാണ് അപകടമുണ്ടായത്.അപകടത്തിൽ
മഹാരാഷ്ട്ര ചന്ദ്രപൂർ സ്വദേശിയായ പ്രദീക് നിനവെ മരിച്ചു. ഇയാൾ മൂന്നാറിൽ വിനോദ സഞ്ചാരത്തിനെത്തിയതായിരുന്നു.ആനച്ചാൽ ഭാഗത്തു നിന്നും യുവാവ് ശ്രീനാരായണപുരം ഭാഗത്തേക്ക് പോകുകയായിരുന്നു. ഇതിനിടയിൽ യുവാവ് സഞ്ചരിച്ച ബൈക്ക് മറ്റൊരു വാഹനത്തെ മറികടക്കുന്നതിനിടയിൽ എതിർദിശയിൽ നിന്നും വന്ന ജീപ്പിലിടിക്കുകയായിരുന്നുവെന്നാണ്
വിവരം.സംഭവ ശേഷം യുവാവിനെ അടിമാലി താലൂക്കാശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല.