ഡ്രൈഡേയിൽ വിദേശമദ്യം ചില്ലറ വിൽപ്പന നടത്തുന്നതിനിടെ മധ്യവയസ്കൻ കട്ടപ്പനയിൽ അറസ്റ്റിൽ

കട്ടപ്പന: ഡ്രൈഡേയിൽ അനധികൃതമായി വിദേശമദ്യം ചില്ലറ വിൽപ്പന നടത്തുന്നതിനിടെ മധ്യവയസ്കൻ അറസ്റ്റിൽ.  വെള്ളയാംകുടി വേഴപ്പറമ്പിൽ മോൻസി (49) യെയാണ് കട്ടപ്പന എക്‌സൈസ് സംഘം പിടികൂടിയത്. ഇയാളിൽ നിന്നും മൂന്നു ലിറ്റർ വിദേശ മദ്യം പിടികൂടി.
മോൻസി അനധികൃതമായി മദ്യവിൽപ്പന നടത്തുന്നതായി എക്സൈസ് ലഭിച്ച രഹസ്യ വിവരത്തെ തുടർന്ന് നടത്തിയ പരിശോധനയിലാണ് പിടികൂടിയത്. ഇന്ന് രാവിലെ 8.30 ന് അൽഫോൻസാ നഗറിൽ വിൽപ്പന നടത്തുന്നതിനിടെയാണ് പിടിയിലായത്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു. പ്രിവന്റീവ് ഓഫീസർ ജയൻ പി. ജോൺ, സിവിൽ എക്സൈസ് ഓഫീസർമാരായ പ്രിൻസ് എബ്രഹാം, ഇ.കെ ബിജുമോൻ, എം.സി സാബു, ജിൻസൺ ജോൺ എന്നിവരാണ് റെയ്ഡ് നടത്തിയത്.