ആറു ദിവസമായി ജനവാസമേഖലയില്‍ കാട്ടാനക്കൂട്ടം; തുരത്താന്‍ വനം വകുപ്പിന്റെ ശ്രമം
പീരുമേട്: പീരുമേട്ടിൽ ജനവാസ മേഖലയിൽ തമ്പടിച്ച് കാട്ടാനക്കൂട്ടം. ആറ് ദിവസം മുൻപ് എത്തിയ കാട്ടാനക്കൂട്ടം ഇതുവരെ കാട്ടിലേക്ക് മടങ്ങിയിട്ടില്ല. ഒരു കൊമ്പനും രണ്ട് പിടിയാനയുമാണ് സംഘത്തിലുള്ളത്.
ആനകളെ തുരത്താനുള്ള ശ്രമം
ദ്രുതകർമ്മസേന ആരംഭിച്ചു.
ജനവാസമേഖലയിൽ ഇറങ്ങിയ കാട്ടാനകൾ
ഇതുവരെ ആരെയും ഉപദ്രവിച്ചിട്ടില്ല.
വൻതോതിൽ കൃഷിനാശം വരുത്തിയിട്ടുണ്ട്.
സർക്കാർ ഓഫീസുകളും സ്കൂളുകളും ഉളളിടത്താണ് ആനക്കൂട്ടം നിലയുറപ്പിച്ചിരിക്കുന്നത്. ശബരിമലയിലെ വനമേഖലയിൽ നിന്ന് ഇറങ്ങിയ കാട്ടാനക്കൂട്ടം വഴി തെറ്റിവന്നതാവാം എന്നാണ് വനംവകുപ്പിന്റെ നിഗമനം.
നിലവിലെ സാഹചര്യത്തിൽ പടക്കംപൊട്ടിച്ച് ആനയെ വിരട്ടി ഓടിക്കാനാകില്ല. ആനക്കൂട്ടം ജനവാസമേഖലയിലേക്ക് ചിതറി ഓടിയിൽ പ്രശ്നങ്ങൾ സങ്കീർണമാക്കും. ശബരിമല വനമേഖലയിലേക്ക് കയറിപ്പോകാൻ പറ്റുന്ന സ്ഥലത്ത് എത്തിച്ച ശേഷം അവിടെ നിന്ന് വനത്തിലേക്ക് കയറ്റാനാണ് വനംവകുപ്പി പദ്ധതി. ദേശീയപാതയോട് ചേർന്ന് ഈ ആനക്കൂട്ടം തമ്പടിച്ച സാഹചര്യത്തിൽ അതെല്ലാം പരിഗണിച്ചുകൊണ്ട് ആനയെ കാടുകയറ്റാനുളള ശ്രമമാണ് വനം വകുപ്പ് നടത്തുന്നത്.
