പ്രതിഷ്ഠാ മഹോത്സവത്തിൻ്റെ ഭാഗമായി വ്രതാനുഷ്ഠാനത്തിന് തുടക്കം കുറിച്ച് പീതാംബര ദീക്ഷ നല്കി

എസ് എൻ ഡി പി യോഗം 4597 ആം നമ്പർ ശാന്തിഗ്രാം ശാഖാ യോഗത്തിൻ്റെ ആഭിമുഖ്യത്തിൽ പുതുതായി നിർമ്മിച്ച
ഗുരുദേവ ശാരദ ദേവി ക്ഷേത്രത്തിലെ ശ്രീനാരായണ ഗുരുദേവന്റെയും ശ്രീ ശാരദാ ദേവിയുടെയും പഞ്ചലോഹ വിഗ്രഹ പ്രതിഷ്ഠാ മഹോത്സവം മെയ് 19, 20, 21തീയതികളിലാണ് നടക്കുന്നത്. ഇതിനു മുന്നോടിയായുള്ള വ്രതാനുഷ്ഠാനത്തിന് തുടക്കം കുറിച്ചാണ് ഭക്തജനങ്ങൾക്ക് പീതാംബര ദീക്ഷ നല്കിയത്. ഇതിൻ്റെ ഭാഗമായി പ്രത്യേക പൂജകളും പ്രാർത്ഥനയും നടന്നു.’ ശിവഗിരി മഠത്തിൽ നിന്നുള്ള ശ്രീമദ് ഗുരുപ്രകാശം സ്വാമികൾ ചടങ്ങുകൾക്ക് മുഖ്യകാർമികത്വം വഹിച്ചു. ശാഖാ മന്ദിരത്തിൽ നടന്ന ചടങ്ങിൽ ശാഖാ യോഗം പ്രസിഡന്റ് എ പി ദിലീപ് കുമാർ, സെക്രട്ടറി ടി കെ ശശി, മറ്റ് ഭാരവാഹികൾ , ഭക്തജനങ്ങൾ തുടങ്ങിയവർ പങ്കെടുത്തു.

19ന് രാവിലെ 6.30ന് ഗണപതി ഹോമം. ഏഴിന് ഗുരുപൂജ, 7.30ന് ആചാര്യ വരണം, 7.45ന് കലവറ നിറയ്ക്കൽ ഒൻപതിന് മഹാസുദർശന ഹോമം. വൈകുന്നേരം 5.30ന് വിഗ്രഹസ്വീകരണ ഘോഷയാത്ര. 6.30ന് ഗുരുപൂജ, ദീപാരാധന. ഏഴിന് സമൂഹ പ്രാർത്ഥന. 7.30ന് വിഗ്രഹപരിഗ്രഹണം ജലാധിവാസക്രിയകൾ. രാത്രി എട്ടിന് മഹാപ്രസാദമൂട്ട്. 20, 21തീയതി കളിൽ രാവിലെ 6.30ന് ഗണപതി ഹോമം, ഗുരുപൂജ. 20ന് വൈകുന്നേരം 5.30ന് താഴികക്കുടപ്രതിഷ്ഠ. 21ന് രാവിലെ ഒൻപതിന് ശ്രീനാരായണ ഗുരുദേവ ശ്രീശാരദാദേവി പ്രതിഷ്ഠ. എന്നിവ നടക്കും. പ്രതിഷ്ഠാ മഹോത്സവത്തിന്
ശ്രീധരൻ, ശ്രീമദ് ഗുരുപ്രകാശം സ്വാമികൾ, ക്ഷേത്രം തന്ത്രി ബ്രഹ്മശ്രീ സുരേഷ് ശ്രീധരൻ തന്ത്രികൾ,
ക്ഷേത്രം മേൽ ശാന്തി വി ബി സോജു എന്നിവർ മുഖ്യ കാർമികത്വം വഹിക്കും.
തുടർന്ന് 11.45ന് നടക്കുന്ന ക്ഷേത്രസമർപ്പണസമ്മേളനം മലനാട് എസ് എൻ ഡി പി യൂണിയൻ പ്രസിഡന്റ് ബിജുമാധവൻ ഉത്ഘാടനം ചെയ്യും. തുടർന്ന് സമ്മാനകൂപ്പൺ നറുക്കെടുപ്പും മഹാപ്രസാദമൂട്ടും നടക്കും. ക്ഷേത്ര സമർപ്പണ സമ്മേളനത്തിന് സെക്രട്ടറി വിനോദ് ഉത്തമൻ അധ്യക്ഷത വഹിക്കും. ശ്രീമദ് ഗുരുപ്രകാശം സ്വാമികൾ, , വിധു എ സോമൻ, അഡ്വ. പി ആർ മുരളീധരൻ, ഷാജി പുള്ളോലിൽ, കെ കെ രാജേഷ്, എ പി ദിലീപ് കുമാർ
ഷിബു സത്യൻ, പി എസ് സജികുമാർ, ഇ എസ് സജീവ് കുമാർ, എം വി ബിനുമോൻ, എം പി മനോജ്‌, കെ എസ് പ്രകാശ്, മിനിമോൾ ശശി, അഖിൽ സുധൻ, ആര്യമോൾ ഷാജി, ടി കെ ശശി തുടങ്ങിയവർ പ്രസംഗിക്കും.