കേരളാ സ്റ്റേറ്റ് ടെയ്ലേഴ്സ് അസോസിയേഷൻ (കെ എസ് ടി എ ) ഇടുക്കാ ജില്ലാ കൺവൻഷൻ 20 ന് കട്ടപ്പനയിൽ

കേരളാ സ്റ്റേറ്റ് ടെയ്‌ലേഴ്‌സ് അസോസിയേഷൻ ഇടുക്കി ജില്ലാ കൺവൻഷൻ തിങ്കളാഴ്ച്ച കട്ടപ്പനയിൽ നടക്കും.
രാവിലെ 10.30 ന് വിമലാ ഓഡിറ്റോറിയത്തിൽ നടക്കുന്ന കൺവൻഷൻ
നഗരസഭാ ചെയർ പേഴ്സൺ ഷൈനി സണ്ണി ചെറിയാൻ ഉത്ഘാടനം ചെയ്യും.

ജില്ലാ പ്രസിഡന്റ് ശിവരാമൻ ചെട്ടിയാർ അധ്യക്ഷത വഹിക്കും. സംസ്ഥാന പ്രസിഡന്റ് സി സുദർശൻ, ജനറൽ സെക്രട്ടറി കെ എൻ ദേവരാജൻ, എൻ എം തങ്കച്ചൻ, ഓമന ജോസ്, ജോസഫ് കുര്യൻ, പി ഉണ്ണികൃഷ്ണൻ തുടങ്ങിയവർ പ്രസംഗിക്കും. തയ്യൽ തൊഴിലാളികളുടെ ക്ഷേമനിധി ബോർഡ് പുനഃസംഘടിപ്പിക്കുക, പെൻഷൻ 5000രൂപ ആയി വർധിപ്പിക്കുക തുടങ്ങിയ ആവശ്യങ്ങൾ ഉന്നയിച്ചാണ് കൺവെൻഷൻ നടത്തുന്നതെന്ന് ഭാരവാഹികളായ പി കെ രാമചന്ദ്രൻ, ഇ എ ബേബി, ജോസഫ് ദേവസ്യ, കെ കെ മറിയക്കുട്ടി, പി ബി ജയമോൻ എന്നിവർ പറഞ്ഞു.