‘നായാട്ട് ആരംഭിച്ചു’; വിജേഷ് പിള്ളയ്‌ക്കെതിരെ കർണാടക പോലീസ് കേസെടുത്തെന്ന് സ്വപ്ന

ബെംഗളൂരു: കണ്ണൂർ സ്വദേശിയായ അഡ്വക്കേറ്റെന്ന് പരിചയപ്പെടുത്തിയ വിജേഷ് പിള്ള ഭീഷണിപ്പെടുത്തിയെന്ന പരാതിയിൽ കർണാടക പോലീസ് കേസെടുത്തതായി സ്വർണക്കടത്ത് കേസ് പ്രതി സ്വപ്ന സുരേഷ്. ഫേസ്ബുക്ക് പോസ്റ്റിലൂടെയാണ് സ്വപ്ന ഇക്കാര്യം അറിയിച്ചത്.

ബെംഗളൂരുവിലെ കൃഷ്ണരാജപുര പോലീസ് സ്റ്റേഷനിൽ നിന്നുള്ള ചിത്രങ്ങളും പോസ്റ്റിനൊപ്പം പങ്കുവച്ചിട്ടുണ്ട്. ‘നായാട്ട് ആരംഭിച്ചു’ എന്ന് തുടങ്ങുന്ന കുറിപ്പിൽ വിജേഷ് പിള്ളയുമായി കൂടിക്കാഴ്ച നടത്തിയ ബെംഗളൂരുവിലെ ഒരു ഹോട്ടലിൽ തെളിവെടുപ്പ് നടത്തിയെന്നും വ്യക്തമാക്കുന്നു.

മുഖ്യമന്ത്രിക്കും കുടുംബത്തിനുമെതിരെ കോടതിയിൽ ഉന്നയിച്ച ആരോപണങ്ങൾ പിൻവലിക്കണമെന്ന് ആവശ്യപ്പെട്ട് വിജേഷ് പിള്ള എന്നയാൾ മുഖേന വൈറ്റ്ഫീൽഡിലെ ഹോട്ടലിലേക്ക് വിളിച്ചുവരുത്തി ഭീഷണിപ്പെടുത്തിയെന്നാണ് സ്വപ്നയുടെ ആരോപണം.