Idukki വാര്‍ത്തകള്‍
കാർ ഓട്ടത്തിനിടെ കത്തി നശിച്ചു
കട്ടപ്പന:വിവാഹത്തില്‍ പങ്കെടുത്ത് മടങ്ങിയ സംഘം സഞ്ചരിച്ച സാന്‍ട്രോ കാര്‍ ഓട്ടത്തിനിടെ കത്തിനശിച്ചു. ഞായര്‍ വൈകിട്ട് 5.15 ഓടെ ദേശീയപാതയില്‍ ഡബിള്‍ കട്ടിങ്ങിനുസമീപമാണ് അപകടം. നെടുങ്കണ്ടം സ്വദേശി സുലൈമാനും കുടുംബാംഗങ്ങളും ഉള്‍പ്പെടെ അഞ്ച് പേരാണ് കാറിലുണ്ടായിരുന്നത്. കാറിന്റെ ടയറിന്റെ ഭാഗത്ത് തീ കത്തുന്നത് കണ്ട ഇരുചക്ര വാഹന യാത്രികര്‍ സുലൈമാനെ വിവരമറിയിച്ചു. തുടര്‍ന്ന് കാര്‍ നിര്‍ത്തി എല്ലാവരും പുറത്തിറങ്ങിയതിന് പിന്നാലെ തീ ആളിക്കത്തുകയായിരുന്നു. ഇടുക്കിയില്‍ നിന്ന് അഗ്നിരക്ഷാ സേന സ്ഥലത്തെത്തിയാണ് തീയണച്ചത്. കാര്‍ പൂര്‍ണമായി കത്തിനശിച്ചു.
