പാഴ്‌വസ്തുക്കൾ ആകർഷകങ്ങളായ കളിപ്പാട്ടങ്ങൾ ആക്കി മാറ്റാം…സമ്മാനങ്ങൾ നേടാം
പാഴ്‌വസ്തുക്കൾ ഉപയോഗിച്ച് കര കൗശല വസ്തുക്കളും കളിപ്പാട്ടങ്ങളും നിർമ്മിക്കുന്നത് പ്രോത്സാഹിപ്പിക്കുന്നതിനും പഴയ കളിപ്പാട്ടങ്ങൾ പുതുതാക്കി മാറ്റി പുനരുപയോഗ യോഗ്യമാക്കുന്നതിനും സ്വച്ഛ് ഭാരത് മിഷൻ ടോയ്ക്കത്തോൺ മത്സരം സംഘടിപ്പിക്കും. പുനരുപയോഗം പ്രോത്സാഹിപ്പിക്കുക, ഉപയോഗശൂന്യമായി കരുതി ഉപേക്ഷിക്കുന്ന പാഴ്‌വസ്തുക്കൾ ഉപയോഗിച്ച് പുതിയ ഉല്പന്നങ്ങൾ നിർമ്മിക്കുക, അതു വഴി മാലിന്യത്തിന്റെ അളവ് കുറയ്ക്കുക, സർക്കുലർ ഇക്കോണമി എന്ന ആശയം പ്രചരിപ്പിക്കുക എന്നീ ലക്ഷ്യങ്ങളോടെയാണ് സ്വച്ഛ് ടോയ്ക്കത്തോൺ മത്സരം സംഘടിപ്പിക്കുന്നത്. പാഴ് വസ്തുക്കളിൽ നിന്ന് കരകൗശല വസ്തുക്കളും കളിപ്പാട്ടങ്ങളും നിർമ്മിക്കുന്ന പ്രവർത്തികളിൽ ഏർപ്പെട്ടിരിക്കുന്നവർക്ക് മത്സരത്തിൽ പങ്കെടുക്കാം. മത്സരത്തിൽ പങ്കെടുക്കുന്നതിനായി innovativeindia.mygov.in എന്ന പോർട്ടൽ വഴി നവംബർ 11 നു മുൻപായി പേര് രജിസ്റ്റർ ചെയ്യണം. വ്യക്തികൾക്കും സംഘങ്ങൾക്കും രണ്ട് വിഭാഗങ്ങളിലായി മത്സരത്തിൽ പങ്കെടുക്കാം. മത്സരം സംബന്ധിച്ച കൂടുതൽ വിശദാംശങ്ങൾ ശുചിത്വ മിഷൻ ഫേസ് ബുക്ക് പേജിൽ ലഭ്യമാണ്. മത്സരത്തിൽ വിജയികളാകുന്നവർക്ക് കേന്ദ്ര പാർപ്പിട നഗര കാര്യാ മന്ത്രാലയം ഡിസംബറിൽ ദേശീയ തലത്തിൽ സംഘടിപ്പിക്കുന്ന ചടങ്ങിൽ പുരസ്‌കാരങ്ങൾ വിതരണം ചെയ്യും.
