പ്രധാന വാര്‍ത്തകള്‍
പതിനെട്ട് ഗ്രാം കഞ്ചാവുമായി യുവാവിനെ എക്സൈസ് പിടികൂടി
തൊടുപുഴ: പതിനെട്ട് ഗ്രാം കഞ്ചാവുമായി യുവാവിനെ എക്സൈസ് പിടികൂടി. ആലക്കോട് ചവര്‍ണ്ണ ഭാഗത്ത് സ്ഥിരമായി കഞ്ചാവ് കച്ചവടം നടത്തി വന്നിരുന്ന വെള്ളിലാംചുവട്ടില്‍ നൗഫലിനെ(28)യാണ് മൂലമറ്റം എക്സൈസ് റേഞ്ച് ഇന്‍സ്‌പെക്ടര്‍ എ.
ഷെമീറും സംഘവും പിടികൂടിയത്. മുന്‍പും നൗഫലനെതിരെ കഞ്ചാവ് കേസുകള്‍ ഉണ്ടായിട്ടുണ്ട്. . കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു. റെയ്ഡില്‍ ഇന്‍സ്‌പെക്ടറെ കൂടാതെ അസി.
എക്സൈസ് ഇന്‍സ്‌പെക്ടര്‍ ജി.കിഷോര്‍, പ്രിവന്റീവ് ഓഫീസര്‍ നിസ്സാര്‍. വി.എസ്., സിവില്‍ എക്സൈസ് ഓഫീസര്‍മാരായ ദിബു രാജ്, ഡെന്നി. എം.വി., ചാള്‍സ് എഡ്വിന്‍ വനിത സിവില്‍ എക്സൈസ് ഓഫീസര്‍ അംബിക.എം. ഡ്രൈവര്‍ വിനോദ്.എ. കെ. എന്നിവര്‍ പങ്കെടുത്തു.
