ഓണക്കിറ്റ് ഇത്തവണയും വൈകുമോ?
തിരുവനന്തപുരം: ഓണക്കിറ്റ് ഇത്തവണയും വൈകിയേക്കുമെന്നാണ് റിപ്പോർട്ടുകൾ. സംസ്ഥാന സർക്കാർ നൽകുന്ന ഓണക്കിറ്റിന് ആവശ്യമായ പല സാധനങ്ങളും ഇനിയും സംഭരിച്ചിട്ടില്ല. ഉപ്പും ഉണങ്ങിയ പരിപ്പും ഉൾപ്പെടെയുള്ള സാധനങ്ങൾ എത്തിയില്ല. ഇക്കാരണത്താൽ കിറ്റ് ക്രമീകരിക്കാൻ സപ്ലൈകോയ്ക്ക് കഴിഞ്ഞിട്ടില്ല.
ഗുജറാത്തിൽ നിന്നാണ് ഉപ്പ് വരേണ്ടത്. എന്നാൽ ഉപ്പ് കയറ്റി അയച്ചിട്ടേ ഉള്ളു. കൊച്ചിയിലെത്തിയാൽ മാത്രമേ സംസ്ഥാനത്തെ സപ്ലൈകോ സ്റ്റോറുകളിൽ ഉപ്പ് എത്തിക്കാൻ കഴിയൂ. ഘട്ടം ഘട്ടമായി മാത്രമേ ഉപ്പ് കൊച്ചിയിലെത്തുകയുള്ളൂ. ഉണങ്ങലരിക്ക് കരാർ നൽകിയെങ്കിലും വലിയ അളവിൽ ലഭിക്കേണ്ടതിനാൽ അതും വൈകുകയാണ്. ഇത് എത്തിക്കഴിഞ്ഞാൽ, അത് തൂക്കിനോക്കാനും പായ്ക്ക് ചെയ്യാനും സമയമെടുക്കും. മാത്രമല്ല, കിറ്റ് നൽകാനുള്ള ബാഗുകളും എത്തിയിട്ടില്ല. ഇത് പ്രിന്റ് ചെയ്ത ഓരോ സപ്ലൈക്കോ സ്റ്റോറുകളിലേക്കും എത്തിയാൽ മാത്രമേ കിറ്റ് പൂർണമായി തയ്യാറാക്കാൻ സപ്ലൈക്കോയ്ക്ക് സാധിക്കുകയുള്ളു.
