കണ്ണൂർ സർവകലാശാല പരീക്ഷയിൽ ചോദ്യ പേപ്പർ ആവർത്തനം.

കണ്ണൂർ സർവകലാശാല പരീക്ഷയിൽ ചോദ്യ പേപ്പർ ആവർത്തനം. ഏപ്രിൽ 21ന് നടന്ന മൂന്നാം സെമസ്റ്റർ ബോട്ടണി പരീക്ഷയുടെ ആൾഗേ ആൻ‍ഡ് ബ്രയോഫൈറ്റ്സ് ചോദ്യ പേപ്പറാണ് ആവർത്തിച്ചത്. 2020ൽ നടത്തിയ പരീക്ഷയുടെ 95 ശതമാനം ചോദ്യങ്ങളും ഈ വർഷവും ചോദിച്ചു.

നേരത്തേ സൈക്കോളജി ചോദ്യ പേപ്പറും ആവർത്തിച്ചിരുന്നു. പിന്നാലെ ഏപ്രിൽ 21, 22 തീയതികളിൽ നടന്ന സൈക്കോളജി ബിരുദം മൂന്നാം സെമസ്റ്റർ പരീക്ഷകള്‍ (നവംബർ 2021 സെഷൻ) റദ്ദാക്കിയിരുന്നു. ഇരു പരീക്ഷകൾക്കും നൽകിയത് കഴിഞ്ഞ വർഷം നൽകിയ അതേ ചോദ്യ പേപ്പറായിരുന്നു. വിദ്യാർഥി സംഘടനകൾ പ്രതിഷേധവുമായി രംഗത്തെത്തിയ സാഹചര്യത്തിലാണ് പരീക്ഷകൾ റദ്ദാക്കിയത്.