ചെറുപുഷ്പം മിഷൻ ലീഗ് വീട് നിർമിച്ചുനൽകി

നെടുങ്കണ്ടം : ചെറുപുഷ്പം മിഷൻ ലീഗ് നെടുങ്കണ്ടം മേഖല പ്ലാറ്റിനം ജൂബിലിയുടെ ഭാഗമായി വീട് നിർമിച്ച് നൽകി.വീട് വയ്ക്കുന്നതിനായി പ്രദേശവാസി 10 സെന്റ് സ്ഥലം നൽകിയിരുന്നു. ഈ സ്ഥലത്താണ് വീട് നിർമിച്ച് നൽകിയത്. രണ്ട് മുറിയും ഹാളും അടുക്കളയും ശൗചാലയവും അടങ്ങുന്നതാണ് വീട്.

വീടിന്റെ വെഞ്ചരിപ്പും താക്കോൽദാനവും ഇടുക്കി രൂപതാ മെത്രാൻ മാർ ജോൺ നെല്ലിക്കുന്നേൽ നിർവഹിച്ചു. ജോലികൾ സൗജന്യമായി ചെയ്ത് നൽകിയവരെ പൊന്നാടയും സമ്മാനങ്ങളും നൽകി അനുമോദിച്ചു.