ടെയ്ലറിംഗ് അസോസിയേഷൻ കട്ടപ്പന നോർത്ത് യൂണിറ്റ് സമ്മേളനം നടന്നു.
ഓൾ കേരളാ ടെയിലേഴ്സ് അസോസിയേഷൻ കട്ടപ്പന നോർത്ത് യൂണിറ്റ് സമ്മേളനം നടന്നു. കട്ടപ്പന ജെ സി ഐ ഹാളിൽ നടന്ന പരിപാടി ഏരിയ പ്രസിഡൻ്റ് രത്നമ്മ ഗോപിനാഥ് ഉദ്ഘാടനം ചെയ്തു.ബ്രാഞ്ച്, ജില്ലാ സമ്മേനങ്ങൾ നടക്കുന്നതിന് മുന്നോടിയായാണ് ഓൾ കേരളാ ടെയിലേഴ്സ് അസോസിയേഷൻ യൂണിറ്റ് സമ്മേളനങ്ങൾ ജില്ലയുടെ വിവിധ മേഖലകളിൽ സംഘടിപ്പിച്ചു വരുന്നത്. ഇതിൻ്റെ ഭാഗമായിട്ടാണ് കട്ടപ്പന നോർത്ത് യൂണിറ്റ് സമ്മേളനം കട്ടപ്പനയിൽ സംഘടിപ്പിച്ചത്. ഗവ: കോളേജ് ജംഗ്ഷനിൽ അസോസിയേഷൻ ഓഫീസിന് മുമ്പിൽ പതാക ഉയർത്തിയതോടെയാണ് സമ്മേളനത്തിന് തുടക്കമായത്. തുടർന്ന് സമ്മേളന നഗരിയായ ജെ സി ഐ ഹാളിലേക്ക് ജാഥയായാണ് പ്രവർത്തകർ എത്തിയത്. തുടർന്ന് നടന്ന സമ്മേളനം ഏരിയ പ്രസിഡൻ്റ് രത്നമ്മ ഗോപിനാഥ് ഉദ്ഘാടനം ചെയ്തു.യൂണിറ്റ് പ്രസിഡൻറ് മിനി ഷാജി, സെക്രട്ടറി വത്സമ്മ വിജയൻ, ‘ഏര്യാ ട്രഷറർ വിലാസിനി തങ്കച്ചൻ എന്നിവരും പരിപാടിയിൽ സംസാരിച്ചു. തുടർന്ന് പ്രതിനിധി തിരഞ്ഞെടുപ്പും നടത്തി.. നിരവധി ആളുകൾ പരിപാടിയിൽ പങ്കെടുത്തു.
