മഞ്ചാടി വർണ്ണത്തുമ്പി കലോത്സവം സമാപിച്ചു

കാമാക്ഷി ഗ്രാമപഞ്ചായത്തിൻ്റെ നേതൃത്വത്തിൽ സംഘടിപ്പിച്ച മഞ്ചാടി വർണ്ണത്തുമ്പി കലോത്സവം സമാപിച്ചു. ഗ്രാമപഞ്ചായത്ത് പരിധിയിലെ മുപ്പത് അങ്കണവാടികളിൽ നിന്നുള്ള കുട്ടികൾ വിവിധ മത്സരങ്ങളിൽ പങ്കെടുത്തു. അങ്കണവാടി വർക്കർമാർ , ഹെൽപ്പർമാർ എന്നിവർക്കായി പ്രത്യേക കലാപരിപാടികളും നടന്നു. കുട്ടികളിൽ കലാപരമായ അഭിരുചികൾ വളർത്തുന്നതിനും സർഗ്ഗവാസനകളെ പരിപോഷിപ്പിക്കുന്നതിനുമാണ് പരിപാടി സംഘടിപ്പിച്ചത്. പ്രസംഗ മത്സരം, ആക്ഷൻ സോങ്-സിംഗിൾ, ആക്ഷൻ സോങ് -ഗ്രൂപ്പ്, കഥ പറച്ചിൽ, ക്വിസ് മത്സരം, പ്രച്ഛന്നവേഷം, ഓർമ്മ പരിശോധന, മിഠായി പെറുക്കൽ, പുഞ്ചിരി മത്സരം, കളറിങ്, തവള ചാട്ടം, ഗ്രൂപ്പ് സോങ് എന്നിവയും , ബാലസഭാ കുട്ടികൾക്കായി ചിത്രരചന, പ്രസംഗം, ഓണപ്പാട്ട് ഗ്രൂപ്പ്, ക്വിസ് മത്സരം , കസേര കളി, ബോൾ പാസിങ്, ലളിതഗാനം എന്നിവയായിരുന്നു പ്രധാന മത്സര ഇനങ്ങൾ. സമാപന സമ്മേളനത്തിൽ ജില്ലാ പഞ്ചായത്ത് അംഗം കെ ജി സത്യൻ വിജയികൾക്ക് ട്രോഫികളും മറ്റു സമ്മാനങ്ങളും വിതരണം ചെയ്തു.