🔸 ഇന്നത്തെ വിദ്യാഭ്യാസ വാർത്തകൾ🔸

♦️നീറ്റ് പരീക്ഷ സെപ്റ്റംബര് 12 നു, ചൊവ്വാഴ്ച മുതല് അപേക്ഷിക്കാം
▪️ കോവിഡ് മാനദണ്ഡങ്ങൾ പാലിച്ച് ഈ വർഷത്തെ നീറ്റ് പരീക്ഷ സെപ്റ്റംബർ 12ന് നടത്തും. ചൊവ്വാഴ്ച (ജൂലായ് 13) വൈകീട്ട് അഞ്ചു മുതൽ പരീക്ഷയ്ക്ക് ഓൺലൈനായി അപേക്ഷിക്കാം.രാജ്യത്തെ മുഴുവൻ പരീക്ഷാ കേന്ദ്രങ്ങളിലും സാമൂഹിക അകലം ഉറപ്പുവരുത്താൻ പരീക്ഷ നടക്കുന്ന നഗരങ്ങളുടെ എണ്ണം 155ൽ നിന്ന് 198 ആക്കി വർധിപ്പിച്ചു. എല്ലാ പരീക്ഷാ കേന്ദ്രങ്ങളിലും വിദ്യാർഥികൾക്ക് മുഖാവരണം നൽകും. പരീക്ഷ ഹാളിലേക്ക് കടക്കാനും പുറത്തുപോകാനും സമയക്രമം നിശ്ചയിക്കും. സാനിറ്റൈസർ, സാമൂഹിക അകലം ഉൾപ്പെടെയുള്ള കോവിഡ് പ്രോട്ടോക്കോൾ ഉറപ്പുവരുത്തും.

♦️ബി.ബി.എ. (ടൂറിസം ആൻഡ് ട്രാവൽ) പ്രവേശനം.
▪️ ഇന്ത്യൻ ഇൻസ്റ്റിറ്റ്യൂട്ട് ഓഫ് ടൂറിസം ആൻഡ് ട്രാവൽ മാനേജ്മെന്റ് (ഐ.ഐ. ടി.ടി.എം.) വിവിധ കേന്ദ്രങ്ങളിൽ നടത്തുന്ന ബി.ബി.എ. (ടൂറിസം ആൻഡ് ട്രാവൽ) പ്രോഗ്രാമിന് ജൂലായ് 15 വരെ അപേക്ഷിക്കാം. എം.ബി.എ. (ടൂറിസം ആൻഡ് ട്രാവൽ മാനേജ്മെന്റ്) പ്രോഗ്രാമിനും ജൂലായ് 15 വരെ അപേക്ഷിക്കാം. https://www.iittm.ac.ഇൻ

♦️ എൻ.സി.ഇ.ആർ.ടി. സി.ഇ.ഇ. പ്രവേശനം
▪️ നാഷണൽ കൗൺസിൽ ഓഫ് എജ്യുക്കേഷണൽ റിസർച്ച് ആൻഡ് ട്രെയിനിങ് (എൻ.സി.ഇ.ആർ.ടി.), റീജണൽ ഇൻസ്റ്റിറ്റ്യൂട്ട്സ് ഓഫ് എജ്യുക്കേഷൻ (ആർ.ഐ.ഇ.) നടത്തുന്ന ബി.എസ്സി. ബി.എഡ്., ബി.എ. ബി.എഡ്., എം.എസ്സി.എഡ്. എന്നീ പ്രോഗ്രാമുകളിലെ പ്രവേശനത്തിനുള്ള കോമൺ എൻട്രൻസ് എക്സാമിനേഷ (സി.ഇ.ഇ.)ന് ജൂലായ് 31 വരെ അപേക്ഷിക്കാം. ബി.എഡ്., എം.എഡ്. പരീക്ഷകൾക്കും അപേക്ഷ നൽകാൻ പുതിയ സമയപരിധി ബാധകമാണ്. https://cee.ncert.gov.in

♦️ വിദ്യാർത്ഥികൾക്ക് സമ്മർ സ്കൂൾ
▪️ സെക്കൻഡറി, ഹയർസെക്കൻഡറി സ്കൂൾ വിദ്യാർത്ഥികൾക്ക് റിമോട്ട് സെൻസിംഗ്, ജോഗ്രഫിക് ഇൻഫർമേഷൻ സിസ്റ്റം, എന്നിവയുടെ അടിസ്ഥാനതത്വങ്ങൾ മനസ്സിലാക്കാൻ അവസരം. റിമോട്ട് സെൻസിങ്, ജിഐഎസ്, സയൻസ് മേഖലകളിൽ പരിശീലനവും വിദ്യാഭ്യാസവും നൽകിവരുന്ന ഐഐ ആർഎസ്, ‘ യൂസ് ഫുൾ നെസ് ഓഫ് റിമോട്ട് സെൻസിങ് ആൻഡ് ജി ഐ എസ് ഫോർ എൻവിയോൺമെന്റ് സ്റ്റഡീസ്’ എന്ന വിഷയത്തിൽ ജൂലൈ 26 മുതൽ 30 വരെയാണ് ഓൺലൈൻ സമ്മർ സ്കൂൾ സംഘടിപ്പിച്ചിരിക്കുന്നത്. 10,11, 12 ക്ലാസുകളിൽ പഠിക്കുന്ന വിദ്യാർത്ഥികൾക്ക് https://www.iirs.gov.in അഡ്മിഷൻ അക്കാദമി കോഴ്സസ് ലിങ്കുകൾ വഴി ജൂലൈ 20 വരെ അപേക്ഷിക്കാം.

♦️2021-22 വർഷത്തെ KVPY സ്കോളർഷിപ് പരീക്ഷക്ക് അപേക്ഷിക്കാം
▪️ അടിസ്‌ഥാന ശാസ്‌ത്ര പഠന ഗവേഷണങ്ങളിൽ താൽപര്യമുള്ള, പത്താം ക്ലാസെങ്കിലും കഴിഞ്ഞ, സമർഥർക്കു പ്രോത്സാഹനം നൽകുന്നതിന് കേന്ദ്രസർക്കാർ ആവിഷ്‌കരിച്ചിട്ടുള്ള ‘കിശോർ വൈജ്‌ഞാനിക് പ്രോത്സാഹൻ യോജന’(KVPY) പദ്ധതിയിൽ ചേരേണ്ടവർ ഓൺലൈൻ അപേക്ഷ ആഗസ്ത് 25 നകം സമർപ്പിക്കണം. വിശദ നിർദേശങ്ങൾ വെബ് സൈറ്റിൽ ലഭ്യമാണ്. 1,250 രൂപ പരീക്ഷാഫീ ഓൺലൈനായി അടയ്ക്കണം. ഐസറുകളിലെ 5–വർഷ ഇന്റഗ്രേറ്റഡ് പ്രോഗ്രാമുകളിലെയും ബെംഗളൂരു ഇന്ത്യൻ ഇൻസ്‌റ്റിറ്റ്യൂട്ട് ഓഫ് സയൻസിലെ 4–വർഷ ബിഎസ് പ്രോഗ്രാമിലെയും പ്രവേശനത്തിനും കെവിപിവൈ യോഗ്യത പരിഗണിക്കുന്നുണ്ട്. പ്രീ–പിഎച്ച്ഡി തലം വരെയും ഫെലോഷിപ് കിട്ടാം. വിലാസം: The Convener, Kishore Vaigyanik Protsahan Yojana (KVPY), Indian Institute of Science, Bangalore – 560 012 (ഫോൺ : 080 – 22932975; ഇ–മെയിൽ : [email protected]).

♦️ഐ.എച്ച്.ആർ.ഡി യുടെ വിവിധ കോഴ്‌സുകളിൽ അപേക്ഷിക്കാം
▪️ കേരള സർക്കാർ സ്ഥാപനമായ ഇൻസ്റ്റിറ്റ്യൂട്ട് ഓഫ് ഹ്യൂമൺ റിസോഴ്‌സസ് ഡെവലപ്‌മെന്റിന്റെ (ഐ.എച്ച്.ആർ.ഡി) വിവിധ കോഴ്‌സുകളിൽ പ്രവേശനത്തിന് അപേക്ഷിക്കാം. അപേക്ഷകൾ 23 നകം നൽകണം. പോസ്റ്റ് ഗ്രജ്വേറ്റ് ഡിപ്ലോമ ഇൻ കമ്പ്യൂട്ടർ ആപ്‌ളിക്കേഷൻസിന് (പി.ജി.ഡി.സി.എ)  ഡിഗ്രിയാണ് യോഗ്യത. ഡാറ്റാ എൻട്രി ടെക്‌നിക്‌സ് ആന്റ് ഓഫീസ് ഓട്ടോമേഷൻ കോഴ്‌സിന് എസ്.എസ്.എൽ.സി പാസായിരിക്കണം. ഡിപ്ലോമ ഇൻ കമ്പ്യൂട്ടർ ആപ്ലിക്കേഷൻസ് (ഡി.സി.എ) കോഴ്‌സിന് പ്ലസ് ടു കഴിഞ്ഞിരിക്കണം. സർട്ടിഫിക്കേറ്റ് കോഴ്‌സ് ഇൻ ലൈബ്രറി ആന്റ് ഇൻഫർമേഷൻ സയൻസിന് (സി.സി.എൽ.ഐ.എസ്) എസ്.എസ്.എൽ.സി പാസാകണം. ഡിപ്ലോമ ഇൻ കമ്പ്യൂട്ടറൈസ്ഡ് ഫിനാൻഷ്യൽ അക്കൗണ്ടിംഗിന് പ്ലസ് ടു പാസാകണം. അഡ്വാൻസ്ഡ് ഡിപ്ലോമ ഇൻ ബയോ മെഡിക്കൽ എൻജിനീയറിംഗ് കോഴ്‌സിന് (എ.ഡി.ബി.എം.ഇ) ഇലക്‌ട്രോണിക്‌സ്/ ആനുബന്ധ വിഷയങ്ങളിൽ ഡിഗ്രി/ ത്രിവത്സര ഡിപ്ലോമ പാസായിരിക്കണം. ഡിപ്ലോമ ഇൻ ലോജിസ്റ്റിക്‌സ് ആന്റ് സപ്ലൈ ചെയ്ൻ മാനേജ്‌മെന്റ് (ഡി.എൽ.എസ്സ്.എം) കോഴ്‌സിന് ഡിഗ്രി/ ത്രിവത്സര ഡിപ്ലോമ പാസായിരിക്കണം. പോസ്റ്റ് ഗ്രാജ്വേറ്റ് ഡിപ്ലോമ ഇൻ എംബെഡഡ് സിസ്റ്റം ഡിസൈൻ കോഴ്‌സിന് എം.ടെക്/ബി.ടെക്/എം.എസ്‌സി പാസാകണം.

♦️ജെ.ഇ.ഇ. മെയിന് ഏപ്രില് സെഷന് ജൂലായ് 20 മുതല്‍
▪️ മാറ്റിവെച്ച ജെ.ഇ.ഇ. മെയിൻ ഏപ്രിൽ, മേയ് സെഷനുകൾ ജൂലായിലും ഓഗസ്റ്റിലും.ഏപ്രിൽ സെഷൻ ജൂലായ് 20 മുതൽ 25 വരെയും മേയ് സെഷൻ ജൂലായ് 27 മുതൽ ഓഗസ്റ്റ് രണ്ട് വരെയും നടത്തും. പരീക്ഷകൾക്ക് ഇതുവരെയും രജിസ്റ്റർ ചെയ്യാത്തവർക്ക് നാലാം സെഷനിലേക്ക് ഒൻപത് മുതൽ 12-ന് രാത്രി ഒൻപതുവരെയും അപേക്ഷിക്കാം.വിദ്യാർഥികൾക്ക് അവരുടെ പരീക്ഷാകേന്ദ്രങ്ങൾ മാറ്റുകയുംചെയ്യാം.

🔸കരിയർ അവസരങ്ങൾ 🔸

♦️ ട്രൈനേഴ്സ് പാനല്: അപേക്ഷ ക്ഷണിച്ചു
▪️ വനിതാ ശിശു വികസന വകുപ്പും ജില്ലാ ശിശു സംരക്ഷണ യൂണിറ്റും സംയുക്തമായി ഔവര്‍ റെസ്പോസിബിലിറ്റി ടു ചില്ഡ്രന്‍പദ്ധതിയുടെ ഭാഗമായി ട്രൈനേഴ്സ് പാനല് തയാറാക്കുന്നു. അധ്യാപകര്ക്കുള്ള സ്‌കൂള് തല പരിശീലന പരിപാടികള്‍, കുട്ടികള്ക്ക് ജീവിത നൈപുണ്യ വികസന ക്യാമ്പുകള്‍, രക്ഷകര്ത്തൃബോധനാ ക്ലാസുകള്‍എന്നീ വിഷയങ്ങളില്‍ ക്ലാസുകള്‍ കൈകാര്യം ചെയ്യുവാന് സമയവും സന്നദ്ധതയും ഉള്ള ട്രൈനേഴ്സിന്റെ പാനലാണ് തയാറാക്കുന്നത്.
വിദ്യാഭ്യാസ യോഗ്യത ഏതെങ്കിലും വിഷയങ്ങളിലുള്ള ബിരുദം, എം.എസ്.സി സൈക്കോളജി, എം.എസ്.ഡബ്ല്യൂ. വയനാട് ജില്ലയിലുള്ളവര്ക്ക് മുന്ഗണന ഉണ്ടായിരിക്കും. താത്പര്യമുള്ള ഉദ്യോഗാര്ത്ഥികള് വിശദമായ ബയോഡാറ്റയും മുകളില് സൂചിപ്പിച്ച എന്തെങ്കിലും വിഷയങ്ങളില്‍ മൂന്ന് മിനിറ്റില് ക്ലാസ് എടുക്കുന്ന വീഡിയോ സഹിതം [email protected] എന്ന മെയിലിലേക്ക് ജൂലൈ 15 നു മുമ്പായി അയയ്ക്കുക. ഫോണ്‍ 9207387192

♦️ ഐ.ടി.ബി.പി.യില് 65 കോണ്സ്റ്റബിള്: കായികതാരങ്ങള്ക്ക് അവസരം
▪️ ഇൻഡോ ടിബറ്റൻ ബോർഡർ പോലീസിൽ കോൺസ്റ്റബിൾ (ജനറൽ ഡ്യൂട്ടി) തസ്തികയിലേക്ക് കായികതാരങ്ങളിൽനിന്ന് അപേക്ഷ ക്ഷണിച്ചു. 65 ഒഴിവുണ്ട്. വനിതകൾക്കും പുരുഷന്മാർക്കും അവസരമുണ്ട്. ശമ്പളം:21700-69100 രൂപ.ഓൺലൈനായാണ് അപേക്ഷ സമർപ്പിക്കേണ്ടത്. വിശദവിവരങ്ങൾക്കും അപേക്ഷിക്കുന്നതിനുമുള്ള വെബ്സൈറ്റ്: www.recruitment.itbpolice.nic.in. സെപ്റ്റംബർ 2വരെയാണ് അപേക്ഷിക്കാനുള്ള സമയം.

♦️ ഐ.എം.ജിയിൽ ഡെപ്യൂട്ടേഷൻ നിയമനം
▪️ ഇൻസ്റ്റിറ്റൂട്ട് ഓഫ് മാനേജ്‌മെന്റ് ഇൻ ഗവണ്മെന്റിന്റെ (ഐ.എം.ജി) തിരുവനന്തപുരം ഓഫീസിലെ കോൺഫിഡൻഷ്യൽ അസിസ്റ്റന്റ്, ബൈൻഡർ തസ്തികകളിലേക്ക് ഡെപ്യൂട്ടേഷൻ നിയമനത്തിന് അപേക്ഷ ക്ഷണിച്ചു. നിശ്ചിത യോഗ്യതയുള്ള സർക്കാർ ജീവനക്കാർക്ക് അപേക്ഷിക്കാം. അപേക്ഷ സ്വീകരിക്കുന്ന അവസാന തീയതി ആഗസ്റ്റ് 10 ആണ്. വിശദവിവരങ്ങൾക്ക് www.img.kerala.gov.in.