വയോധികനെ കല്ലു കൊണ്ടിടിച്ച് കൊലപ്പെടുത്താൻ ശ്രമിച്ച പ്രതിയെ തങ്കമണി പോലീസ് പിടികൂടി

ചെറുതോണി: വയോധികനെ കല്ലു കൊണ്ടിടിച്ച് കൊലപ്പെടുത്താൻ ശ്രമിച്ച പ്രതിയെ തങ്കമണി പോലീസ് പിടികൂടി . കാമാക്ഷി സ്വദേശി അക്കരപ്പറമ്പിൽ ബിജു ആന്റണി (49) യാണ് പോലീസ് പിടിയിലായത്. അയൽ വാസിയായ ഏത്തക്കാട്ട് മാത്യു (65)വിനെയും ഭാര്യയേയും ഇവരുടെ വീട്ടിൽ കയറി ആക്രമിച്ച് കൊലപ്പെടുത്താൻ ശ്രമിച്ച ശേഷം ഒളിവിൽ കഴിയുമ്പോഴാണ് ബിജുവിനെ പോലീസ് അറസ്റ്റ് ചെയ്തത്. കഴിഞ്ഞ വ്യാഴാഴ്ചയാണ് ഇയാൾ മാത്യുവിനേയും ഭാര്യയേയും ആക്രമിച്ചത്. കല്ലു കൊണ്ടുള്ള ആക്രമണത്തിൽ തലയ്ക്ക് ഗുരുതരമായി പരിക്കേറ്റ മാത്യു അത്യാസന്ന നിലയിൽ കോട്ടയം മെഡിക്കൽ കോളേജിൽ ചികിത്സയിലാണ്.