കുട്ടിക്കാനത്തിന് സമീപം ശബരിമല തീർത്ഥാടകർ സഞ്ചരിച്ച വാഹനം മറിഞ്ഞു; 8 പേർക്ക് പരിക്കേറ്റു

ഇടുക്കി: ഇടുക്കി കുട്ടിക്കാനത്ത് സമീപം ശബരിമല തീർത്ഥാടകരുടെ വാഹനം മറിഞ്ഞ് എട്ട് പേർക്ക് പരിക്കേറ്റു. തിരുവണ്ണാമലയിൽ നിന്ന് ശബരിമലക്ക് പോയ വാഹനമാണ് അപകടത്തിൽപ്പെട്ടത്.

ഡ്രൈവർ ഉൾപ്പെടെ 24 പേരാണ് വാഹനത്തിൽ ഉണ്ടായിരുന്നത്. അപകടത്തിൽ പരിക്കേറ്റ നാല് പേരെ പീരുമേട് താലൂക്കാശുപത്രിയിലേക്ക് മാറ്റി. മറ്റെല്ലാവരെയും സ്വകാര്യ ആശുപത്രിയിൽ പ്രാഥമിക ചികിത്സകൾ നൽകി. ആരുടെയും നില ഗുരുതരമല്ല എന്നാണ് ലഭിക്കുന്ന വിവരം. വാഹനം റോഡരുകിൽ തന്നെ മറിയുകയായിരുന്നു.