പ്രധാന വാര്‍ത്തകള്‍
രാജ്യത്ത് എയര്‍ടെല്‍ 5ജി ഉപഭോക്താക്കളുടെ എണ്ണം ഒരു കോടി കടന്നു
ന്യൂ ഡൽഹി: ഭാരതി എയർടെല്ലിന്‍റെ 5 ജി നെറ്റ്‌വർക്ക് വരിക്കാരുടെ എണ്ണം ഒരു കോടി കവിഞ്ഞു. എയർടെൽ 5 ജി പ്ലസ് ഇപ്പോൾ എല്ലാ സംസ്ഥാനങ്ങളിലും ലഭ്യമാണ്. 2024 മാർച്ച് അവസാനത്തോടെ എല്ലാ നഗരങ്ങളിലും പ്രധാന ഗ്രാമീണ മേഖലകളിലും 5 ജി സേവനങ്ങൾ എത്തിക്കാനാണ് കമ്പനി പദ്ധതിയിടുന്നത്.
വാണിജ്യാടിസ്ഥാനത്തിൽ 5 ജി സേവനങ്ങൾ ആരംഭിച്ച് ഒരു മാസത്തിനുള്ളിൽ 10 ലക്ഷം ഉപഭോക്താക്കളെ നേടുന്ന ആദ്യത്തെ ടെലികോം ഓപ്പറേറ്ററാണെന്നും കമ്പനി അവകാശപ്പെടുന്നു. ഇന്ത്യയിലെ എല്ലാ 5 ജി സ്മാർട്ട് ഫോണുകളും എയർടെൽ നെറ്റ്‌വർക്കിൽ തടസ്സമില്ലാതെ പ്രവർത്തിക്കും. മികച്ച ഡാറ്റാ സ്പീഡ് അനുഭവം, നിലവിൽ ലഭ്യമായതിനേക്കാൾ 20 മുതൽ 30 മടങ്ങ് വരെ വേഗത, മികച്ച ശബ്ദ അനുഭവം, 5 ജി നെറ്റ്‌വർക്ക് സൂപ്പർ ഫാസ്റ്റ് കോൾ കണക്ഷൻ എന്നിവ കമ്പനി വാഗ്ദാനം ചെയ്യുന്നു.
