ഏലത്തോട്ടത്തിലെ കുളത്തിൽ വീണ് മുൻ ബാങ്ക് ജീവനക്കാരൻ മരിച്ചു

ഇടുക്കി കട്ടപ്പനയിൽ ഏലതോട്ടത്തിലെ കുളത്തിൽ വീണ് മുൻ ബാങ്ക് ജീവനക്കാരൻ മരണടഞ്ഞു.വള്ളക്കടവ് കുമ്പുങ്കൽ കെ.സി ടോമിയാണ്(63,മാത്യു )മരണമടഞ്ഞത്.ഏലത്തോട്ടത്തിൽ പോയി തിരികെ വരേണ്ട സമയം കഴിഞ്ഞും കാണാതായതിനെ തുടർന്ന് മകൻ തോട്ടത്തിൽ എത്തി അന്വേഷിച്ചപ്പോഴാണ് മത്തായിയെ കുളത്തിൽ വീണ് മരിച്ച നിലയിൽ കണ്ടത്.ഇന്ന് (ശനി) വൈകിട്ട് 6.30 ഓടെയാണ് സംഭവം.കട്ടപ്പന പാറക്കടവിൽ ടോമി പാട്ടത്തിനെടുത്ത ഏലത്തോട്ടത്തിലെ കുളത്തിലാണ് മൃതദേഹം കിടന്നിരുന്നത്.തുടർന്ന് സമീപവാസികൾ ഫയർഫോഴ്‌സിൽ വിവരമറിയിച്ചതിനെ തുടർന്ന് അവരെത്തിയാണ് മൃതദേഹം പുറത്തെടുത്തത്.കാൽ വഴുതി ഇദ്ദേഹം കുളത്തിൽ വീണതാകാമെന്നാണ് പ്രാഥമിക നിഗമനം.മൃതദേഹം ഇരുപതേക്കർ താലൂക്ക് ആശുപത്രിയിലേയ്ക്ക് മാറ്റി.കട്ടപ്പന സർവ്വീസ് സഹകരണ ബാങ്കിലെ ജീവനക്കാരനായിരുന്നു ടോമി.സെലിനാണ് ഭാര്യ.മനു,ജിനു,ബിനു എന്നിവരാണ് മക്കൾ.