സമൂഹത്തെ കൂട്ടി ചേർക്കുകയാണ് സഭയുടെ ലക്ഷ്യമെന്ന് നോർത്ത് കർണാടക ബിഷപ്പ് ഡോ. മാർട്ടിൻ . സി. ബോർഗായി

സമൂഹത്തെ കൂട്ടി ചേർക്കുകയാണ് സഭയുടെ ലക്ഷ്യമെന്ന് നോർത്ത് കർണാടക ബിഷപ്പ് ഡോ. മാർട്ടിൻ . സി. ബോർഗായി.സിഎസ്ഐ ഈസ്റ്റ് കേരള മഹായിടവക റൂബി ജൂബിലി കൺവൻഷൻ ഉദ്ഘാടനം ചെയ്ത് സംസാരിക്കുകയായിരുന്നു ബിഷപ്പ്.കൂട്ടായ്മകൾ ദൈവിക സ്നേഹത്തിനൊപ്പം തിന്മകളെ ചെറുക്കാൻ വഴിയൊരുക്കുമെന്നും ബിഷപ്പ് കൂടിച്ചേർത്തു. ചാലമറ്റം എംഡിസിഎം എസ് ഹൈസ്കൂൾ മൈതാനത്ത്’ അനുഗ്രഹത്തിനായി കൂടി വരിക’ എന്ന ചിന്താവിഷയത്തിൽ നടക്കുന്ന കൺവൻഷനിൽ ബിഷപ് വി.എസ്. ഫ്രാൻസിസ് അധ്യക്ഷത വഹിച്ചു.
ബിഷപ് ഡോ. കെ. ജി. ദാനിയേൽ , റവ.പി.സി. മാത്തുകുട്ടി, റവ. ബിജു ജോസഫ്, ഐസക് ഡേവിഡ്, ടി.ജോയി കുമാർ എന്നിവർ പ്രസംഗിച്ചു.
ഫെബ്രുവരി 11 വരെ നടക്കുന്ന കൺവൻഷൻ യോഗങ്ങളിൽ റവ. ഡോ. എം .പി ജോസഫ്, റവ.ഡോ.ഡി.ജെ അജിത് കുമാർ , റവ.സാജൻ.പി മാത്യു, റവ.സജീവ് തോമസ് , പ്രെഫ. പ്രീന മാത്യു, സാം കെ ഉതുപ്പ് , ഡോ.ബിജു എം ജോർജ് എന്നിവർ ബൈബിൾ പ്രഭാഷണം നടത്തും.
11 ന് മേലുകാവുമറ്റത്തു നിന്നും കൺവൻഷൻ പന്തലിലേക്ക് സുവിശേഷ റാലി സംഘടിപ്പിച്ചിട്ടുണ്ട്.