പ്രധാന വാര്‍ത്തകള്‍
ഇടമലക്കുടിയിലെ ശൈശവ വിവാഹം; 47 കാരനെതിരെ പോക്സോ; തിരച്ചില്‍
ഇടമലക്കുടിയില്‍ പ്രായപൂര്‍ത്തിയാകാത്ത പെണ്‍കുട്ടിയെ വിവാഹം കഴിച്ച കേസില്‍ 47കാരനെതിരെ പോക്സോ കേസ്. കണ്ടത്തിക്കുടി സ്വദേശിയായ രാമന് വേണ്ടി പൊലീസ് തിരച്ചില്‍ തുടരുകയാണ്. പതിനാറുകാരിയായ പെണ്‍കുട്ടി നിലവില്‍ ശിശുക്ഷേമ സമിതിയുടെ സംരക്ഷണയിലാണ്. ഒരാഴ്ച മുന്‍പായിരുന്നു ഇടമലക്കുടിയില്‍ ശൈശവ വിവാഹം നടന്നത്. രഹസ്യ വിവരം ലഭിച്ചതിനെ തുടര്‍ന്ന് സാമൂഹിക ക്ഷേമ വകുപ്പ് ഉദ്യോഗസ്ഥര്‍ നടത്തിയ അന്വേഷണത്തില്‍ വിവാഹം സ്ഥിരീകരിക്കുകയായിരുന്നു. ഉദ്യോഗസ്ഥരെത്തിയെന്ന് വിവരം ലഭിച്ചതിനെ തുടര്‍ന്ന് പ്രതി ഒളിവില്‍ പോകുകയായിരുന്നു.
