പ്രധാന വാര്‍ത്തകള്‍
വൈദ്യുതി ബോര്‍ഡിന്റെ ടച്ച്‌വെട്ട്‌ പ്രഹസനമെന്ന്‌ പരാതി ഉയരുന്നു
മൂലമറ്റം: വൈദ്യുതി ബോര്‍ഡിന്റെ ടച്ച്‌വെട്ട്‌ പ്രഹസനമെന്ന്‌ പരാതി ഉയരുന്നു. കഴിഞ്ഞ ഞായറാഴ്‌ച രാവിലെ 8 മുതല്‍ കുരുതിക്കളം മൈലാടി പ്രദേശങ്ങളില്‍ ടച്ച്‌ വെട്ടുകയാണന്നും വൈദ്യുതി മുടക്കമാണന്നും പറഞ്ഞ്‌ മൂലമറ്റം വൈദ്യുതി സെക്ഷന്‍ ഓഫീസിന്റെ അറിയിപ്പും വൈദ്യുതി തടസവും ഉണ്ടായി.എന്നാല്‍ മൈലാടിയില്‍ റോഡ്‌ പുമ്ബോക്കില്‍ നില്‌ക്കുന്ന ബദാം മരത്തിന്റെ ടച്ച്‌ വെട്ടിയിട്ടില്ല. ദിവസം പത്തും പതിനഞ്ചും തവണ വൈദ്യുതി പോകുന്നതിന്‌ പുറമേയാണു്‌ ടച്ച്‌ വെട്ടിന്റെ പേരില്‍ വൈദ്യുതി തടസപ്പെടുത്തുന്നത്‌. മേലധികാരികളുടെ അടിയന്തിര ശ്രദ്ധ ഇക്കാര്യത്തില്‍ ഉണ്ടാകണമെന്ന്‌ നാട്ടുകാര്‍ ആവശ്യപ്പെട്ടു.
