കാമാക്ഷി ഗ്രാമ പഞ്ചായത്തിൽ അംഗൻവാടി കലോത്സവം

ഇടുക്കി : കാമാക്ഷി പഞ്ചായത്ത് തല അംഗൻവാടി കലോത്സവം ഡിസംബർ 30 ആം തീയതി രാവിലെ 9 മണി മുതൽ തങ്കമണി പഞ്ചായത്ത് ഹാളിൽ വച്ച് നടത്തപ്പെടുകയാണ്.
പഞ്ചായത്തിൽ പ്രവർത്തിക്കുന്ന 30 അംഗൻവാടികളിൽ നിന്നുള്ള കുട്ടികളും കൂടാതെ അംഗൻവാടികളുമായി ബന്ധപ്പെട്ട് പ്രവർത്തിക്കുന്ന പത്ത് മുതൽ 18 വയസ്സു വരെയുള്ള ടീനേജ് പെൺകുട്ടികളെയും ഉൾപ്പെടുത്തിയാണ് ഈ അംഗൻവാടി കലോത്സവം സംഘടിപ്പിക്കുന്നത്.

കുട്ടികൾക്കായി വിവിധ ഇനങ്ങളിൽ മത്സരങ്ങൾ നടത്തപ്പെടും.
പഞ്ചായത്തിൽ പ്രവർത്തിക്കുന്ന ഏറ്റവും നല്ല രണ്ടു അംഗൻവാടികൾക്കും, കലോത്സവത്തിൽ ഏറ്റവും കൂടുതൽ പോയിന്റുകൾ നേടുന്ന അംഗൻവാടികൾക്കും പ്രത്യേക ട്രോഫികളും സമ്മാനിക്കും…. കലോത്സവത്തിൽ വിവിധ മത്സരങ്ങളിൽ കുട്ടികളെ പങ്കെടുപ്പിക്കുവാനും കലോത്സവത്തിൽ പങ്കാളികളാക്കുവാനും എല്ലാ രക്ഷിതാക്കളും അംഗൻവാടി പിടിഎ ഭാരവാഹികളും പ്രത്യേകം താല്പര്യമെടുക്കണം. എല്ലാവരുടെയും സഹായസഹകരണങ്ങളും സാന്നിധ്യവും ഈ കലോത്സവത്തിലേക്ക് സ്നേഹപൂർവ്വം ക്ഷണിക്കുന്നു..