വേഗതയിലെത്തിയ കാർ ഓട്ടോയിലേക്ക് ഇടിച്ച് കയറി; യുവാവിന് ദാരുണാന്ത്യം

ഇടുക്കി: നെടുങ്കണ്ടത്ത് രാത്രിയിൽ ഉണ്ടായ വാഹനാപകടത്തിൽ യുവാവ് മരിച്ചു. കുര്യൻപ്ലാക്കൽ സുനീഷ് (38) ആണ് മരിച്ചത്. ഇന്നലെ രാത്രി 10 മണിയോടെ ജോലി കഴിഞ്ഞ് വീട്ടിലേക്ക് മടങ്ങുകയായിരുന്നു സുനീഷ്. ഇയാൾ സഞ്ചരിച്ച ഓട്ടോറിക്ഷയിലേക്ക് കാറിടിച്ച് കയറുകയായിരുന്നു.
നെടുങ്കണ്ടം ശ്രീകൃഷ്ണസ്വാമി ക്ഷേത്രത്തിന് സമീപത്താണ് അപകടം നടന്നത്.പാമ്പാടുംപാറ സ്വദേശിയുടേതാണ് കാർ.വേഗതയിലെത്തിയ കാർ ഓട്ടോറിക്ഷ യിലേക്ക് ഇടിച്ചുകയറുകയായിരുന്നു.

പരിക്കുപറ്റിയ സുനീഷിനെ കല്ലാറിലെ സ്വകാര്യ ആശുപത്രിയിൽ എത്തിച്ചെങ്കിലും പുലർച്ചയോടെ മരണം സംഭവിക്കുകയായിരുന്നു. മൃതദേഹം ഇന്ന് പോസ്റ്റ്‌മോർട്ടത്തിന് ശേഷം ബന്ധുക്കൾക്ക് വിട്ടു നൽകും. അമിത വേഗതയിൽ വാഹനം ഓടിച്ചതിന് കാർ ഉടമയ്‌ക്കെതിരെ നെടുങ്കണ്ടം പോലീസ് കേസെടുത്തു.