തേക്കടി പെരിയാർ കടുവ സങ്കേതം 09.08.2021 മുതൽ വിനോദ സഞ്ചാരികൾക്കായി തുറന്നു നൽകുന്നതാണ്

കോവിഡ് മഹാമാരിയെ തുടർന്ന് അടച്ചിട്ടിരുന്ന പെരിയാർ കടുവ സങ്കേതം G.O. (Rt) no. 564/2021/DMD dt. 04.08.2021 & E&TW 3-1715/20 Dt. 06.08.2021പ്രകാരം 09.08.2021 മുതൽ വിനോദ സഞ്ചാരികൾക്കായി തുറന്നു നൽകുന്നതാണ്. പരിഷ്ക്കരിച്ച കോവിഡ് മാനദണ്ഡങ്ങൾ കർശനമായി പാലിച്ചുകൊണ്ടായിരിക്കും വിനോദ സഞ്ചാരികൾക്ക് പ്രവേശനം നൽകുക.

ഒരു ഡോസ് കോവിഡ് പ്രതിരോധ കുത്തിവെപ്പ് എടുത്തതിനു ശേഷം 2 ആഴ്‌ച കഴിഞ്ഞവരും, 72 മണിക്കൂറിനുള്ളിൽ എടുത്ത RTPCR നെഗറ്റീവ് സർട്ടിഫിക്കറ്റ് ഉള്ളവരും, ഒരു മാസം മുൻപ് കോവിദ് 19 പോസിറ്റീവ് സർട്ടിഫിക്കറ്റ് കൈവശം ഉള്ളവർക്കും മാത്രമായി പ്രവേശനം പരിമിതപ്പെടുത്തിയിരിക്കുന്നു. സീറ്റുകളുടെ എണ്ണം പരിമിതപ്പെടുത്തിയതിനാൽ ബോട്ടിങ്ങിനും പ്രവേശനത്തിനും മുൻപ് ഈടാക്കിയിരുന്ന 50% വരുന്ന അധിക തുക നിലവിലെ സാഹചര്യത്തിൽ 09.08.2021 മുതൽ പഴയ നിരക്കിലേക്ക് പുനർസ്ഥാപിക്കുമെന്നും അറിയിച്ചുകൊള്ളുന്നു.