പ്രധാന വാര്‍ത്തകള്‍
ലോകത്തിലെ ആദ്യ 3ഡി പ്രിന്റഡ് മസ്ജിദ് നിർമ്മിക്കാൻ ദുബായ്
ദുബായ്: ലോകത്തിലെ ആദ്യ 3ഡി പ്രിന്റഡ് മോസ്ക് നിർമ്മിക്കാൻ ദുബായ്. യു.എ.ഇ വൈസ് പ്രസിഡന്‍റും പ്രധാനമന്ത്രിയും ദുബായ് ഭരണാധികാരിയുമായ ഷെയ്ഖ് മുഹമ്മദ് ബിൻ റാഷിദ് അൽ മക്തൂമിന്‍റെ ദർശനവും നിർദേശവും മുൻനിർത്തി 2025ൽ പദ്ധതി പൂർത്തിയാക്കും.
2,000 ചതുരശ്ര മീറ്റർ വിസ്തീർണമുള്ള ഈ മസ്ജിദിൽ 600 പേരെ ഉൾക്കൊള്ളാനാകും. ഈ വർഷം ഒക്ടോബറിൽ മസ്ജിദിന്റെ നിർമ്മാണം ആരംഭിക്കും.
അടുത്ത വർഷം മൂന്ന് തൊഴിലാളികൾ റോബോട്ടിക് പ്രിന്റർ പ്രവർത്തിപ്പിക്കും. അസംസ്കൃത വസ്തുക്കളും പ്രത്യേക കോൺക്രീറ്റ് മിശ്രിതവും ഉപയോഗിച്ച് ഓരോ മണിക്കൂറിലും രണ്ട് ചതുരശ്ര മീറ്റർ നിർമ്മാണം പ്രിന്റ് ചെയ്യാനുള്ള ശേഷി പ്രിന്ററിന് ഉണ്ട്. ത്രിഡി പ്രിന്റിംഗ് സാങ്കേതികവിദ്യ ഉപയോഗിച്ച് 4 മാസത്തിനുള്ളിൽ ഘടന നിർമ്മിക്കും.
