വിവിധ ആവശ്യങ്ങൾ ഉയർത്തിക്കൊണ്ട് കോൺഗ്രസ്‌ കട്ടപ്പന മണ്ഡലം കമ്മറ്റി പ്രതിഷേധ ജ്വാലയും പ്രതിഷേധ സദസ്സും സംഘടിപ്പിച്ചു
രാഷ്ട്രീയം ലാഭത്തിനായി തൃശൂർ പൂരം കലക്കിയ ഗൂഡാലോചക്കാർക്കെതിരെ നടപടി സ്വീകരിക്കുക, വിലക്കയറ്റം തടയാൻ സർക്കാർ വിപണിയിൽ ഇടപെടുക, ആഭ്യന്തര വകുപ്പിന്റെ ക്രിമിനൽവൽക്കരണം തടയുക, മാഫിയ സംരക്ഷകനായ മുഖ്യമന്ത്രി രാജി വക്കുക തുടങ്ങിയ ആവശ്യങ്ങൾ ഉയർത്തിക്കൊണ്ട് കോൺഗ്രസ്‌ കട്ടപ്പന മണ്ഡലം കമ്മറ്റി പ്രതിഷേധ ജ്വാലയും പ്രതിഷേധ സദസ്സും സംഘടിപ്പിച്ചു.
സി എസ് ഐ ഗാർഡൻസിൽ നിന്നും ആരംഭിച്ച പ്രകടനം നഗരം ചുറ്റി ഗാന്ധിസ്ക്വായറിൽ സമാപിച്ചു. തുടർന്ന് നടന്ന പ്രതിഷേധ സദസ്സ് എ ഐ സി സി അംഗം അഡ്വ:ഇ. എം. അഗസ്തി ഉൽഘാടനം ചെയ്തു. മണ്ഡലം പ്രസിഡണ്ട് സിജു ചക്കുംമൂട്ടിൽ അധ്യക്ഷത വഹിച്ചു. കെ പി സി സി സെക്രട്ടറി തോമസ് രാജൻ, നേതാക്കളായ ജോർജ് ജോസഫ് പടവൻ, തോമസ് മൈക്കിൾ,ജോസ് മുത്തനാട്ട്,ഷാജി വെള്ളംമാക്കൽ, ജോസ് ആനക്കല്ലിൽ, അരുൺകുമാർ കാപ്പുകാട്ടിൽ, ഷിബു പുത്തൻ പുരക്കൽ, പൊന്നപ്പൻ അഞ്ചപ്ര തുടങ്ങിയവർ പങ്കെടുത്തു.
