കട്ടപ്പനയുടെ ഓണാഘോഷം സെപ്റ്റംബർ 14 ശനിയാഴ്ച വൈകിട്ട് 5 മണി മുതൽ

ഫ്രണ്ട്സ് ഓഫ് കട്ടപ്പനയുടെ നേതൃത്വത്തിൽ കട്ടപ്പനയുടെ ഓണാഘോഷം സെപ്റ്റംബർ 14 ശനിയാഴ്ച വൈകിട്ട് 5 മണി മുതൽ കട്ടപ്പന മിനി സ്റ്റേഡിയത്തിൽ നടക്കും. സാംസ്കാരിക സംഗമം പ്രശസ്ത കവിയും ഗാനരചയിതാവുമായ ഗിരീഷ് പുലിയൂർ ഉദ്ഘാടനം ചെയ്യും. കട്ടപ്പന ഡി.വൈ.എസ്.പി വി.എ നിഷാദ് മോൻ പ്രതിഭകളെ ആദരിക്കും. നഗരസഭ ചെയർപേഴ്സൺ ബീനാ ടോമി ശുചീകരണ തൊഴിലാളികൾക്കുള്ള ഓണക്കോടി വിതരണം ചെയ്യും. വിവിധ സാമൂഹിക, സാംസ്കാരിക നേതാക്കൾ ചടങ്ങിൽ പങ്കെടുക്കും.തുടർന്ന് മ്യൂസിക്കൽ ട്രീറ്റ്, പായസ വിതരണം എന്നിവയും വൈകിട്ട് 7.30 ന് രാഹുൽ കൊച്ചാപ്പിയും സംഘവും അവതരിപ്പിക്കുന്ന കോട്ടയം തുടിയുടെ നാടൻപ്പാട്ടും അരങ്ങേറും.