അംഗൻവാടി കുരുന്നുകൾക്ക് ഓണസമ്മാനം ഒരുക്കി ലിൻസി ടീച്ചർ

അംഗൻവാടി കുരുന്നുകൾക്ക് ഓണസമ്മാനം ഒരുക്കി ലിൻസി ടീച്ചർ .ഗവൺമെൻറ് ട്രൈബൽ ഹയർ സെക്കൻഡറി സ്കൂൾ സോഷ്യൽ സർവീസ് സ്കീമിന്റെയും പി ടി എ യുടെയും നേതൃത്വത്തിലാണ് പരിപാടി സംഘടിപ്പിച്ചിരിക്കുന്നത് .കാഞ്ചിയാർ ഗ്രാമപഞ്ചായത്തിലെ ആറ് വാർഡുകളിലായി 12 അംഗൻവാടികളിലെ നൂറിൽപരം കുട്ടികൾക്കാണ് സമ്മാനപ്പെട്ടി നൽകുന്നത്. ഓണക്കോടി ,നോട്ട് പാഡ്, പെൻസിൽ ,റബർ ,കട്ടർ, കളർ പെൻസിലുകൾ, മധുരം പലഹാരങ്ങൾ എന്നിവയാണ് സമ്മാനപ്പെട്ടിയിൽ ഉള്ളത്.പത്തിന് രാവിലെ 9 മണിക്ക് ജലവിഭവ വകുപ്പ് മന്ത്രി റോഷി അഗസ്റ്റിൻ പദ്ധതി ഉദ്ഘാടനം ചെയ്യും .പീരുമേട് എംഎൽഎ വാഴൂർ സോമൻ മുഖ്യപ്രഭാഷണം നടത്തും. ഗ്രാമപഞ്ചായത്ത് പ്രസിഡൻ്റ് സുരേഷ് കുഴിക്കാട്ട് അംഗങ്ങളായ തങ്കമണി സുരേന്ദ്രൻ ,ലിനു ജോസ്,സുഷ്മ ശശി,റോയ് എറസ്റ്റ്, ജോമോൻ തെക്കേൽ , സന്ധ്യ ജയൻ, ഐ.സി.ഡി.എസ് സൂപ്പർവൈസർ സ്നേഹ സേവ്യർ , ചൈൽഡ് ഡെവലപ്പ്മെൻ്റ് പ്രോജക്ട് ഓഫീസർ ആർ.ലേഖ, സ്കൂൾ പ്രിൻസിപ്പാൾ കെ.എൽ സുരേഷ് കൃഷ്ണൻ,ഹെഡ്മാസ്റ്റർ ഷിനു മാനുവൽ ,പിടിഎ പ്രസിഡണ്ട് പ്രിൻസ് മറ്റപ്പള്ളി,ജയ്മോൻ കോഴിമല എന്നിവർ പ്രസംഗിക്കും .വിവിധ അംഗൻവാടികളിലെഅധ്യാപകരും കുട്ടികളും പരിപാടിയിൽ പങ്കെടുക്കും.