കട്ടപ്പന ഗവൺമെൻറ് ട്രൈബൽ ഹയർസെക്കൻഡറി സ്കൂളിലെ നാഷണൽ സർവീസ് സ്കീം യൂണിറ്റിന്റെ നേതൃത്വത്തിൽ അധ്യാപക ദിനാചരണം സംഘടിപ്പിച്ചു

കട്ടപ്പന ഗവൺമെൻറ് ട്രൈബൽ ഹയർസെക്കൻഡറി സ്കൂളിലെ നാഷണൽ സർവീസ് സ്കീം യൂണിറ്റിന്റെ നേതൃത്വത്തിൽ അധ്യാപക ദിനാചരണം സംഘടിപ്പിച്ചു .സ്കൂൾ ആഡിറ്റോറിയത്തിൽ സ്നേഹാദരം എന്ന പേരിൽ സംഘടിപ്പിച്ച പരിപാടിയിൽ സ്കൂളിലെ അധ്യാപകരെ കുട്ടികൾ സ്വയം തയ്യാറാക്കിയ ഗ്രീറ്റിംഗ് കാർഡുകളും ചായ ചിത്രങ്ങളും സമ്മാനിച്ച് ആദരിച്ചു. അധ്യാപകർ അവതരിപ്പിച്ച കലാപരിപാടികളും കുട്ടികൾ അധ്യാപകർക്കായി ഒരുക്കിയ ഗെയിമുകളും പരിപാടികളുടെ ഭാഗമായിരുന്നു. എൻഎസ്എസ് വളണ്ടിയർ ലീഡർമാരായ അഭിറാം ടി.രതീഷ് ,അനീന സാബു , അനുജാ ഷാജി കൃഷ്ണജിത്ത് അശോകൻ ,അരണ്യ റോസ് , സാന്ദ്ര സാബു തുടങ്ങിയവർ പരിപാടികൾക്ക് നേതൃത്വം നൽകി. അധ്യാപകരുടെ കാരിക്കേച്ചർ ചിത്രങ്ങൾ കൊണ്ട് തീർത്ത വേദിയും ആശംസ കാർഡുകളും വേറിട്ടതായി.