ആനന്ദ് ജോസഫ് ,കേരള ക്രിക്കറ്റ് ലീഗിൽനെടുങ്കണ്ടത്ത്നിന്ന് പുത്തൻ താരോദയം

നെടുങ്കണ്ടം :-ക്രിക്കറ്റ് പ്രേമികളുടെ ആവേശമായി
മാറികൊണ്ടിരിക്കുന്ന കേരള ക്രിക്കറ്റ് ലീഗിൽ ആദ്യ രണ്ട് കളിയിലെ മികവുകൊണ്ട് തന്നെ താരമായി
മാറുകയാണ് നെടുങ്കണ്ടം മുണ്ടിയെരുമ സ്വദേശി ആനന്ദ് ജോസഫ് .

തിരുവനന്തപുരത്തെ കഴക്കൂട്ടം
ഗ്രീൻ ഫീൽഡ് ക്രിക്കറ്റ് സ്റ്റേഡിയത്തിൽ ആരംഭിച്ച കേരളക്രിക്കറ്റ് ലീഗിൽ ആലപ്പുഴ
റിപ്പിൾസിന് വേണ്ടിയാണ് പേസ്
ബൗളർ കൂടിയായ ആനന്ദ് ജോസഫ് പന്തെറിയുന്നത് .
കെ.സി.എൽ ലെ ആദ്യമത്സരത്തിൽ തൃശൂർ ടൈറ്റൻസിനെതിരായ മത്സരത്തിൽ 4 ഓവറിൽ 32 റൺസ് വഴങ്ങി 3 വിക്കറ്റും ഇന്നലെ നടന്ന രണ്ടാം മത്സരത്തിൽ അദാനി
ട്രിവാൻട്രം റോയൽസിനെതിരെ
3.1 ഓവറിൽ 7 റൺസ് മാത്രം വഴങ്ങി 4 വിക്കറ്റു വീഴ്ത്തിയാണ്
ആനന്ദ് ജോസഫ് കളിയിലെ താരമായത്. കേരളത്തിൻ്റെ രജ്‌ജി ട്രോഫി താരംകൂടിയായ
ആനന്ദ്
നെടുങ്കണ്ടം മുണ്ടിയെരുമ കൈതാരത്ത് സോണി ജോസഫ്- ആൻസി ജോസഫ്
ദമ്പതികളുടെ രണ്ട് മക്കളിൽ ഇളയവനാണ് . സഹോദരൻ സിൽസ് ജോസഫ് യു.കെ.യിൽ കോളജ് അദ്ധ്യാപകനാണ്.