നാട്ടുവാര്‍ത്തകള്‍പീരിമേട്
മദ്യലഹരിയിൽ 13 കാരിയെ പീഡിപ്പിക്കാൻ ശ്രമം; യുവാവ്‌ അറസ്റ്റിൽ
കുമളി:പതിമൂന്നുകാരിയെ പീഡിപ്പിക്കാൻ ശ്രമിച്ച സംഭവത്തിൽ യുവാവിനെ നാട്ടുകാർ പിടികൂടി പൊലീസിന് കൈമാറി. കുമളി അമരാവതി കാഞ്ഞിരത്തിങ്കൽ വീട്ടിൽ മനു മനോജ്‌(31) ആണ് പ്രായപൂർത്തിയാകാത്ത പെൺകുട്ടിയെ വീട്ടിൽ അതിക്രമിച്ചുകടന്ന്‌ പീഡിപ്പിക്കാൻ ശ്രമിച്ചത്. പെൺകുട്ടിയുടെ മൊഴിയുടെ അടിസ്ഥാനത്തിൽ പൊലീസ്‌ പ്രതിയെ അറസ്റ്റ്‌ ചെയ്തു. പീരുമേട് കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു. മദ്യലഹരിയിൽ വെള്ളിയാഴ്ച രാത്രി ഒമ്പതോടെയാണ് കുരിശുമലയ്‌ക്ക്‌ സമീപമുള്ള വീട്ടിൽ മനു അതിക്രമിച്ചു കടന്നത്. പെൺകുട്ടി താമസിക്കുന്ന മുറിയുടെ വാതിൽ തള്ളിത്തുറന്ന് അകത്തുകയറിയ പ്രതി പെൺകുട്ടിയെ കടന്നുപിടിക്കാൻ ശ്രമിച്ചു. പെൺകുട്ടി കരഞ്ഞുകൊണ്ട്‌ അടുത്ത വീട്ടിലേക്ക്‌ ഓടി രക്ഷപ്പെടുകയായിരുന്നു. ഉടൻതന്നെ നാട്ടുകാർ ചേർന്ന് പ്രതിയെ പിടികൂടി പൊലീസിൽ ഏൽപ്പിച്ചു.
