വനംവകുപ്പിന്റെ ധനസഹായ പദ്ധതി

സ്വകാര്യ ഭൂമികളിലെ തടിയുൽപാദനം വർധിപ്പിക്കുന്നതിനായി വനം വകുപ്പ് നടപ്പാക്കുന്ന  ധനസഹായ പദ്ധതിയിലേക്ക് അപേക്ഷ ക്ഷണിച്ചു.     തേക്ക്, ചന്ദനം, മഹാഗണി, ആഞ്ഞിലി, പ്ലാവ്, റോസ് വുഡ് , കമ്പകം, കുമ്പിള്‍, കുന്നിവാക, തേമ്പാവ് എന്നീ വൃക്ഷത്തൈകള്‍ നട്ടുവളർത്തുന്നതാണ് പദ്ധതി . 50 തൈകള്‍ മുതല്‍ 200 തൈകള്‍ വരെ തൈ ഒന്നിന് 50 രൂപ നിരക്കിലും, 201 മുതല്‍ 400 വരെ  തൈ ഒന്നിന് 40 രൂപ നിരക്കിലും (ഏറ്റവും കുറഞ്ഞ  പ്രോത്സാഹന ധനസഹായം 10000/-രൂപ) 401 മുതല്‍ 625 വരെ  തൈ ഒന്നിന് 30 രൂപ നിരക്കിലും (ഏറ്റവും കുറഞ്ഞ പ്രോത്സാഹന ധനസഹായം 16,000/-രൂപ) ധനസഹായം നൽകും.

പൂരിപ്പിച്ച അപേക്ഷ ആഗസ്ത് 20 വൈകീട്ട് 5 ന് മുൻപായി ഇടുക്കി സോഷ്യല്‍ ഫോറസ്ട്രി ഡിവിഷന്‍ ഓഫീസില്‍ ലഭ്യമാക്കേണ്ടതാണ്. അപേക്ഷാ ഫോറം വനംവകുപ്പിന്റെ ഔദ്യോഗിക വെബ് സൈറ്റായ forest.kerala.gov.in ല്‍ ലഭ്യമാണ്. കൂടുതല്‍ വിവരങ്ങൾക്ക് വെള്ളപ്പാറയില്‍ പ്രവർത്തിക്കുന്ന സോഷ്യല്‍ ഫോറസ്ട്രി ഡിവിഷന്‍ ഓഫീസുമായി നേരിട്ടോ 04862232505 എന്ന ഫോണ്‍ നമ്പറിലോ ബന്ധപ്പെടാവുന്നതാണ്.