Idukki വാര്‍ത്തകള്‍
കട്ടപ്പന ഓസാനം സ്കൂളിന് സമീപം ഐറീഷ് ഓട ഇല്ലാത്തത് അപകടങ്ങൾക്ക് കാരണമാകുന്നു
നൂറുകണക്കിന് വിദ്യാർത്ഥികളും വാഹനങ്ങളും കടന്നുപോകുന്ന പള്ളിക്കവല ഓസാനം സ്കൂളിന് സമീപത്താണ് 30 മീറ്ററോളം ഐറീഷ് ഓട ഇല്ലാത്തത്. സ്കൂൾ വാഹനങ്ങൾ കടന്നുവരുമ്പോൾ സൈഡ് കൊടുക്കുന്ന ഇരുചക്ര വാഹനങ്ങൾ അപകടത്തിൽ പെടാറുണ്ട്. വിദ്യാർത്ഥികളും കുഴിയിൽ വീണ സംഭവവും ഉണ്ടായിട്ടുണ്ട്. PWD യിൽ നിരവധി തവണ അറിയിച്ചെങ്കിലും കോൺട്രാക്ടർ ചെയ്യാത്തതാണ് കാരണമെന്ന് പറഞ്ഞു തടിതപ്പുകയാണ്. എത്രയും വേഗം നിർമ്മാണം നടത്തി വിദ്യാർത്ഥികൾക്ക് സുരക്ഷ ഒരുക്കണമെന്ന ആവശ്യമാണ് ഉയരുന്നത്.
