നാട്ടുവാര്‍ത്തകള്‍
അയ്യപ്പന്‍ കോവില്‍ പഞ്ചായത്തിലെ ഡോര്‍ലാന്റില്‍ കാട്ടുപോത്തിറങ്ങി
ഉപ്പുതറ: അയ്യപ്പന്‍ കോവില്‍ പഞ്ചായത്തിലെ ഡോര്‍ലാന്റില്‍ കാട്ടുപോത്തിറങ്ങി. ഏലത്തോട്ടത്തില്‍ വിളവെടുപ്പു നടത്തിയിരുന്ന സ്ത്രീ തൊഴിലാളികളാണ് ഉച്ചക്ക് 12 ഓടെ മേരികുളം പേഴ്ത്തുമ്മൂട്ടില്‍ തങ്കച്ചന്റെ ഏലത്തോട്ടത്തില്‍ രണ്ടു കാട്ടുപോത്തിനെ കണ്ടത്.
തൊട്ടടുത്ത കാട്ടുപോത്തിനെ കണ്ടതോടെ തൊഴിലാളികള്‍ നിലവിളിച്ചു കൊണ്ട് ഓടി രക്ഷപെട്ടു. കൂടുതല്‍ കാട്ടുപോത്ത് സമീപ പ്രദേശങ്ങളില്‍ ഉണ്ടെന്നാണ് ഇവരുടെ സംശയം. വനം വകുപ്പ് ഉദ്യോഗസ്ഥര്‍ പ്രദേശത്ത് തിരച്ചില്‍ നടത്തിയെങ്കിലും
കാട്ടുപോത്തിനെ കണ്ടെത്താനായില്ല.
