കട്ടപ്പന ഇടുക്കിക്കവല ബൈപ്പാസ് റോഡിൽ മാലിന്യം തള്ളി

കട്ടപ്പന നഗരസഭയുടെ വിവിധ മേഖലകളിൽ രാത്രിയുടെ മറവിൽ സാമൂഹ്യ വിരുദ്ധർ മാലിന്യം തള്ളുന്നത് വർദ്ധിച്ചിരിക്കുകയാണ്.

കഴിഞ്ഞ ദിവസം പള്ളിക്കവല ഫോർത്തു നാത്തൂസ് നഗറിലെ തോട്ടിൽ കേറ്ററിംഗ് സ്ഥാപനത്തിലെ ഭക്ഷണാവശിഷ്ടങ്ങൾ തള്ളിയിരുന്നു.

ആരോഗ്യ വിഭാഗം നടത്തിയ പരിശോധനയിൽ
ചീസ് ബോഡ് അങ്കമാലി എന്ന കേറ്ററിംഗ് സ്ഥാപനമാണ് മാലിന്യം തള്ളിയതെന്ന് കണ്ടെത്തി നോട്ടീസും നൽകിയിരുന്നു.

അതിന് പിന്നാലെയാണ് പള്ളിക്കവല ഇടുക്കിക്കവല ബൈപ്പാസ് റോഡിന് സമീപം ഹൗസിംഗ് ബോർഡ് വക സ്ഥലത്ത് കഴിഞ്ഞ ദിവസവും ഭക്ഷണാവശിഷ്ടങ്ങൾ ഉൾപ്പെടെ ചാക്കിൽ കെട്ടി തള്ളിയിരിക്കുന്നത്.

മാലിന്യം തള്ളുന്നവരെ കണ്ടെത്തി ശക്തമായ നടപടി സ്വീകരിക്കുമെന്ന് നഗരസഭ ആരോഗ്യ വിഭാഗം അറിയിച്ചു.