അടിമാലി കുളമാംകുഴി ആദിവാസി കോളനിയില്‍ കാട്ടാന ആക്രമണത്തില്‍ യുവാവിന് പരിക്കേറ്റു
അടിമാലി കുളമാംകുഴി ആദിവാസി കോളനിയില്‍ കാട്ടാന ആക്രമണത്തില്‍ യുവാവിന് പരിക്കേറ്റു.
കുളമാംകുഴി സ്വദേശി പ്രശാന്തിനാണ് പരിക്കേറ്റത്. കാൽമുട്ടിന് പരിക്കേറ്റ പ്രശാന്തിനെ അടിമാലി താലൂക്ക് ആശുപത്രിയില്‍ പ്രവേശിപ്പിച്ചു.
ഇന്നലെ രാത്രിയിലായിരുന്നു സംഭവം. ടൗണിൽ പോയശേഷം വീട്ടിലേക്ക് പോകുമ്പോൾ ആനയുടെ മുൻപിൽ പെട്ട പ്രശാന്ത് ഓടിരക്ഷപെടാൻ ശ്രമിക്കുമ്പോൾ കാൽ കല്ലിൽ തട്ടി വീണ് പരിക്കേൽക്കുകയായിരുന്നു. കഴിഞ്ഞ ദിവസങ്ങളിലെല്ലാം പ്രദേശത്ത് ആന അക്രമം നടത്തിയിരുന്നു. വഴിവക്കിൽ നിന്നിരുന്ന പന മറിച്ചിട്ട് ഭക്ഷിക്കുമ്പോഴാണ് പ്രശാന്ത് അതുവഴിവന്നത്.രക്ഷപ്പെടാനുള്ള ശ്രമത്തിനിടെ കല്ലിൽ തട്ടി വീണ് പ്രശാന്തിൻ്റെ കാൽമുട്ടിന് കാര്യമായി പരിക്കേറ്റു. തുടർന്ന് അടിമാലി താലൂക്ക് ആശുപത്രിയില്‍ ചികിൽസ തേടി. ഇന്ന് പുലർച്ചയും കാട്ടാന പ്രദേശത്തുണ്ടായിരുന്നതായി പ്രദേശവാസികൾ വ്യക്തമാക്കി. പ്രദേശത്ത് കാട്ടാന ആക്രമണം രൂക്ഷമായ സാഹചര്യത്തിൽ വനംവകുപ്പ് അധികൃതരുടെ അടിയന്തര ഇടപെടൽ ഉണ്ടാവണമെന്ന് നാട്ടുകാർ ആവശ്യപ്പെട്ടു.
