കുടുംബശ്രീയെ പഠിച്ച് ഡാര്‍ജിലിങ് സംഘം
പശ്ചിമബംഗാളിലെ ഡാർജിലിങ്ങിൽനിന്നുള്ള കുടുംബശ്രീ നാഷണൽ റിസോഴ്‌സ് ഓർഗനൈസേഷൻ(എൻആർഒ) സംഘം നഗരസഭയിലെ കുടുംബശ്രീ യൂണിറ്റുകളിൽ സന്ദർശനം നടത്തി.
കേരളത്തിലെ കുടുംബശ്രീയുടെ പ്രവർത്തനങ്ങളെക്കുറിച്ച് പഠിക്കുന്നതിനാണ് 23 അംഗ സംഘം കട്ടപ്പനയിലെത്തിയത് സി ഡി എസ് – എ.ഡി എസ് . കുടുംബശ്രീ യോഗങ്ങളുടെ രീതി, സമൂഹ––സാംസ്‌കാരിക പ്രവർത്തനങ്ങൾ, നിക്ഷേപ സമാഹരണം തുടങ്ങിയവയെക്കുറിച്ച് ചോദിച്ചറിഞ്ഞു.
നഗരസഭയിലെ ഏറ്റവും മികച്ച എഡി എസുകളിൽ ഒന്നായ 25-ാം വാർഡിലെ എ.ഡി എസ്. യോഗത്തിൽ പങ്കെടുത്ത ഡാർജിലിങ് സ്വദേശിനി റിയ സമങിനെ അംഗങ്ങൾ സ്വീകരിച്ചു.
നഗരസഭ കൗൺസിലർമാരായ മനോജ് മുരളി, ലീലാമ്മ ബേബി, സി ഡി എസ് ചെയർപേഴ്‌സൺ മാരായ ഷൈനി ജിജി, രത്‌നമ്മ സുരേന്ദ്രൻ, വൈസ് ചെയർപേഴ്‌സൺ ബീന സോദരൻ, എ ഡി എസ് കുടുംബശ്രീ ഭാരവാഹികളായ ടെസി ടോണി ,ശാന്തമ്മ രവീന്ദ്രൻ , ഡെയ്സി മുട്ടത്ത് ,ഷൈലജ ബാബു
എന്നിവർ സംസാരിച്ചു.
