നെടുംകണ്ടം ഗ്രാമ പഞ്ചായത്ത് ഓഫീസില്‍ ഡിപ്ലോമ അഡ്മിഷന്‍ ഹെല്‍പ്പ്‌ഡെസ്‌ക് തുടങ്ങി
നെടുങ്കണ്ടം സര്‍ക്കാര്‍ പോളിടെക്‌നിക് കോളേജിലെ പ്രവേശനം സംബന്ധിച്ച ഹെല്‍പ്പ്‌ഡെസ്‌ക് സംവിധാനം നെടുങ്കണ്ടം ഗ്രാമപഞ്ചായത്ത് ഓഡിറ്റോറിയത്തിൽ രാവിലപത്തിന് പഞ്ചായത്ത് പ്രസിഡന്റ് ലേഖ ത്യാഗരാജന്‍ ഉദ്ഘാടനം ചെയ്തു. പഞ്ചായത്ത് സെക്രട്ടറി സുനില്‍ സെബാസ്റ്റ്യന്‍, പഞ്ചായത്ത് മെമ്പര്‍ ഷിഹാബുദ്ദീന്‍ യൂസഫ് ഈട്ടിക്കല്‍, സി ഡി എസ് ചെയര്‍ പെഴ്‌സണ്‍ ഡെയ്‌സമ്മ തോമസ്, കോളേജ് പ്രിന്‍സിപ്പള്‍ ജയന്‍ പി വിജയന്‍, കമ്പ്യൂട്ടര്‍ എഞ്ചിനീയറിംഗ് വകുപ്പ് മേധാവി ശ്രീജേഷ് എന്‍ ജി, അധ്യാപകരായ മേരി മര്‍ഫി, അര്‍ജുന്‍ രാജു, ശ്യാം മോഹന്‍ കെ , ജയന്‍ എന്‍. ടി തുടങ്ങിയവര്‍ യോഗത്തില്‍ സംസാരിച്ചു.
ഡിപ്ലോമ കോഴ്‌സുകളില്‍ പ്രവേശനം നേടുന്നതിനുള്ള ഓണ്‍ലൈന്‍ ആന്‍ഡ് ഓഫ് ലൈൻ പ്രക്രിയകള്‍ പൂര്‍ത്തിയാക്കാനുള്ള സൗകര്യങ്ങളാണ് കോളേജ് ഹെല്‍പ്പ് ഡെസ്‌ക് വഴി ഒരുക്കിയിരിക്കുന്നത്. കമ്പ്യൂട്ടര്‍ എന്ജിനീയറിംഗ്, കമ്പ്യൂട്ടര്‍ ഹാര്‍ഡ് വെയര്‍ എന്ജിനീയറിംഗ് , ഇലക്ട്രോണിക്‌സ് എന്ജിനീയറിംഗ് എന്നീ ബ്രാഞ്ചുകളിലേക്കു വിദ്യാര്‍ത്ഥികള്‍ക്ക് ഇതുവഴി പ്രവേശനം നേടാവുന്നതാണ് . ഈ കോഴ്‌സുകളില്‍ പ്രവേശനം നേടാനുള്ള അടിസ്ഥാന യോഗ്യത പത്താം ക്ലാസ്സ് വിജയമാണ് കൂടാതെ +2 സയന്‍സ് ,വി എച്ച്എ സി / ഐ ഐടി എന്നിവയില്‍ ഏതെങ്കിലും ഒന്ന് വിജയിച്ചവര്‍ക്ക് നേരിട്ട് രണ്ടാം വര്‍ഷത്തിലേക്ക് പ്രവേശനം നേടാവുന്നതാണ്. ഇനി ഹെല്‍പ്പ് ഡെസ്ക്ക് ഫോൺ: 9747963544, 7902583454
