ഇടുക്കിയിൽ യുഡിഎഫ് ആധിപത്യം, ഡീൻ ബഹുദൂരം മുന്നിൽ
ഇടുക്കി ലോക്‌സഭാ സീറ്റില്‍ യുഡിഎഫ് ആധിപത്യം. വോട്ടെണ്ണല്‍ ഒരു മണിക്കൂര്‍ പിന്നിടുമ്ബോള്‍ യുഡിഎഫ് സ്ഥാനാര്‍ഥി ഡീന്‍ കുര്യാക്കോസ് 23311 വോട്ടുകള്‍ക്ക് ലീഡ് ചെയ്യുന്നു.പോസ്റ്റല്‍ വോട്ടുകള്‍ എണ്ണുന്ന സമയത്ത് എല്‍ഡിഎഫ് സ്ഥാനാര്‍ഥി ജോയ്‌സ് ജോര്‍ജ് മുന്നിലെത്തിയെങ്കിലും ഇവിഎം വോട്ടുകള്‍ എണ്ണിത്തുടങ്ങിയപ്പോള്‍ ഡീന്‍ വന്‍ മുന്നേറ്റം നടത്തി.എല്ലാ നിയോജക മണ്ഡലങ്ങളിലും ഒരു തവണ പോലും ലീഡ് നേടുവാൻ എൽഡിഎഫിന് കഴിഞ്ഞില്ല.തൃശൂരില്‍ 8980ന് മുകളില്‍ വോട്ടുകള്‍ക്ക് സുരേഷ് ഗോപി മുന്നില്‍. എൻ.ഡി.എ നിലവില്‍ തൃശൂരില്‍ മാത്രമാണ് ലീഡിലുള്ളത്.
സംസ്ഥാനത്ത് 20 കേന്ദ്രങ്ങളിലാണ് വോട്ടെണ്ണല്‍ നടക്കുന്നത്.വോട്ടെണ്ണല്‍ കേന്ദ്രങ്ങള്‍ക്ക് കര്‍ശന സുരക്ഷയാണ് ഏര്‍പ്പെടുത്തിയിട്ടുള്ളത്.ഓരോ അസംബ്ലി മണ്ഡലത്തിലെയും വോട്ടുകള്‍ എണ്ണാന്‍ ഓരോ ഹാള്‍ ഉണ്ടാകും. ഓരോ ഹാളിലും പരമാവധി 14 മേശകള്‍ ക്രമീകരിച്ചിട്ടുണ്ട്.
