ജെ. പി. എം. കോളേജിൽ വീണ്ടും റാങ്കുകളുടെ തിളക്കം
എം. ജി. സര്‍വ്വകലാശാല ആറാം സെമസ്റ്റർ പരീക്ഷയുടെ ഫലം പുറത്തുവന്നപ്പോൾ ലബ്ബക്കട ജെ. പി. എം. ആർട്സ് ആൻഡ് സയൻസ് കോളേജിൽ വീണ്ടും റാങ്കുകളുടെ തിളക്കം. കോളേജിലെ എല്ലാവിഭാഗത്തിലും ഇത്തവണയും ഉയർന്ന വിജയശതമാനമാണ് ലഭിച്ചത്.
സോഷ്യൽ വർക്ക് വിഭാഗത്തിലെ ആഷ്ലി സേവ്യർ, ബി. കോം. കമ്പ്യൂട്ടർ ആപ്ലിക്കേഷൻ വിഭാഗത്തിലെ ദേവി നന്ദന, ബിസ്സിനസ്സ് അഡ്മിനിസ്ട്രേഷൻ വിഭാഗത്തിലെ അനൂപ് എൻ. എസ്., ടൂറിസം വിഭാഗത്തിലെ സെബിൻ ദേവസ്യ, വിവേക് സുരേന്ദ്രൻ എന്നിവരാണ് റാങ്കുകൾ കരസ്ഥമാക്കിയത്.
കോളേജിലെ ചിട്ടയായ അധ്യയനം, അധ്യാപകരുടെ കൂട്ടായ പരിശ്രമം, ഭൗതികസാഹചര്യങ്ങൾ ഒരുക്കുന്നതിൽ മാനേജുമെന്റ് നടത്തിയ നിസ്തുലമായ സേവനങ്ങൾ ഇവയെല്ലാം വിജയം കൈവരിക്കാൻ സഹായിച്ചു.
റാങ്കുകൾ നേടിയ വിദ്യാർത്ഥികളേയും അവരെ ഈ നേട്ടത്തിലേക്കു കൈപിടിച്ചുയർത്തിയ അധ്യാപകരെയും പ്രിൻസിപ്പാൾ ഡോ. ജോൺസൺ വി. , വൈസ് പ്രിൻസിപ്പാൾ ഫാ. പ്രിൻസ് തോമസ് സി. എസ്. ടി. ബർസാർ ഫാ. ജോബിൻ പെണറ്റുകുന്നേൽ എന്നിവർ അഭിനന്ദിച്ചു.
