കട്ടപ്പന അമ്പലക്കവല നാഷണൽ കലാ സാഹിത്യ സദസിന്റ് നേത്യത്വത്തിൽ പ്രതിഭകളെ ആദരിച്ചു.
കട്ടപ്പന അമ്പലക്കവല നാഷണൽ ലൈബ്രറിയുടെ ഭാഗമായി പ്രവർത്തിക്കുന്ന കലാ സാഹിത്യ സദസിന്റ് നേത്യത്വത്തിലാണ് പ്രതിഭകളെ ആദരിച്ചത്.
ആദരിക്കൽ ചടങ്ങ് നഗരസഭ ചെയർ പേഴ്സൺ ബീനാ ടോമി ഉദ്ഘാടനം ചെയ്തു.
തിരുവനന്തപുരം ഉപാസന സാംസ്കാരിക വേദിയുടെ മാധവ മുരളി പുരസ്കാര ജേതാവ് ജോസഫ് മണക്കാട്, സംസ്ഥാന സ്കൂൾ കലോത്സവത്തിൽ വയലിനിൽ എ ഗ്രേഡ് നേടീയ സഹോദരങ്ങളായ
ഡെയിൻ ജിൻസ്, ഡിയ ജിൻസ്,നാഷണൽ പിപ് സൈറ്റ് എയർ റൈഫിൾ ചാമ്പ്യൻഷിപ്പിൽ ദേശീയ തലത്തിൽ പത്രണ്ടാം സ്ഥാനവും സംസ്ഥാന തലത്തിൽ സ്വർണ്ണ മെഡലും നേടിയ അഭിരാമി. സി.ജെറ്റി തുടങ്ങിയവരെയാണ് ഉപഹാരങ്ങൾ നൽകി ആദരിച്ചത്.
യോഗത്തിൽ നാഷണൽ കലാ സാഹിത്യ സദസ് പ്രസിഡന്റ് തോമസ് ജോസഫ് അദ്ധ്യക്ഷനായിരുന്നു.
ഇടുക്കി താലൂക്ക് ലൈബ്രറി കൗൺസിൽ പ്രസിഡന്റ് റ്റി.എസ് ബേബി മുഖ്യപ്രഭാഷണം നടത്തി.
നഗരസഭ കൗൺസിലർമാരായ സോണിയ ജെയ്ബി, പി.ജെ ജോൺ ,ലൈബ്രറി പ്രസിഡന്റ് പി .സി ഫിലിപ്പ്, സെക്രട്ടറി ടി.ബി ശശി, ബിന്ദു സാബു തുടങ്ങിയവർ സംസാരിച്ചു.
