കട്ടപ്പന വുമണ്‍സ് എക്സ്പോ 2k24 വിമല സിൽക്ക് ഹൗസിൽ ആരംഭിച്ചു
കട്ടപ്പന വിമല സില്‍ക്ക് ഹൗസ്, കട്ടപ്പന വുമണ്‍സ് ക്ലബ്, വി ക്ലബ്, റോട്ടറി വുമണ്‍സ് ക്ലബ് ഓഫ് ഹെറിറ്റേജ് എന്നിവയുടെ നേതൃത്വത്തില്‍ ഹോം മെയ്ഡ് പ്രൊഡക്ടുകളുടെ പ്രദര്‍ശനവും വിപണനവുമാണ് ഒരുക്കി ഇരിക്കുന്നത്.
വുമണ്‍സ് എക്സ്പോ 2K 24 എന്ന പേരില്‍ സംഘടപ്പിക്കുന്ന പരിപാടിയുടെ ഉദ്ഘാടനം നഗരസഭ ചെയര്‍പേഴ്‌സണ്‍ ബീനാ ടോമി നിര്‍വഹിച്ചു. കട്ടപ്പന സെന്റ് ജോർജ് ഫോറോന പള്ളി വികാരി ഫാദർ ജോസ് മാത്യൂ പറപ്പള്ളിൽ ആശംസകൾ നേർന്ന് സംസാരിച്ചു.
മുപ്പത്തിയഞ്ചോളം സ്ത്രീകള്‍ വീടുകളില്‍ നിര്‍മിച്ചു കൊണ്ടുവരുന്ന വിവിധതരം വസ്തുക്കള്‍ വാങ്ങുന്നതിനും , കാണുന്നതിനും അവസരവും ഒരുക്കിയിട്ടുണ്ട്.. ഭക്ഷ്യ വസ്തുക്കള്‍, പെയിന്റിങ്‌സ്, ചെടികള്‍, സൗന്ദര്യ വര്‍ദ്ധിത വസ്തുക്കള്‍, വസ്ത്രങ്ങള്‍, കരകൗശല വസ്തുക്കള്‍ തുടങ്ങി നിരവധി ഉത്പന്നങ്ങളാണ് മേളയില്‍ ഒരുക്കുന്നത്.
എക്സ്പോ ശനിയാഴ്ച്ച സമാപിക്കും.
വിമല സില്‍ക്ക് ഹൗസ് മാനേജിങ് ഡയറക്ടര്‍ അഞ്ചു ലിബി, കട്ടപ്പന വുമണ്‍സ് ക്ലബ് പ്രസിഡന്റ് റെജി സിബി, കട്ടപ്പന വുമണ്‍സ് ക്ലബ് ചാര്‍ട്ടര്‍ പ്രസിഡന്റ് ആനി ജബ്ബരാജ്, വി ക്ലബ് പ്രസിഡന്റ് മോനിഷ വിശാഖ്, വി ക്ലബ് സെക്രട്ടറി ലിഷ രഞ്ചു, റോട്ടറി വുമണ്‍സ് ക്ലബ് പ്രസിഡന്റ് അനറ്റ് മണ്ഡപം, റോട്ടറി ക്ലബ് ട്രഷറര്‍ നീതു ജിത്ത് തുടങ്ങിയവര്‍ നേതൃത്വം നൽകി.
