മാർ മത്തായി കൊച്ചുപറമ്പിൽ പുരസ്കാരം ലിയ ഫിലിപ്പ് തേനംമാക്കലിന്

നെടുംകണ്ടം : കാഞ്ഞിരപ്പള്ളി രൂപതയുടെ വിശ്വാസജീവിത പരിശീലന പദ്ധതിയുടെ ഭാഗമായി ചേമ്പളം സെ. മേരീസ് ഇടവകയിലെ സൺഡേസ്കൂളിൽ നിന്നും 12-ാം ക്ലാസ്സിൽ ഏറ്റവും ഉയർന്ന മാർക്ക് നേടുന്ന കുട്ടിക്ക് ഇടവക ഏർപ്പെടുത്തിയിട്ടുള്ള മാർ മത്തായി കൊച്ചുപറമ്പിൽ അവാർഡിന്  2022- 24 വർഷത്തിൽ ലിയ ഫിലിപ്പ് തേനംമാക്കൽ അർഹയായി .
      സെ . മേരീസ് കാറ്റക്കെറ്റിക്കൽ സെൻ്ററിൽ നടന്ന വിശ്വാസപരിശീലന വാർഷികാഘോഷ വേദിയിൽ മൊമെൻ്റോയും ക്യാഷ് അവാർഡും ഇടവക വികാരി ബഹു . ഫാ . ജെയിംസ് വെണ്മാന്തറ പുരസ്കാര ജേതാവിന് സമ്മാനിച്ചു.
       ചേമ്പളം സെ.മേരീസ് ഇടവകാംഗവും   കാഞ്ഞിരപ്പള്ളി രൂപതയിൽ നിന്നും ഹൈറേഞ്ചിൽ നിന്നും ആദ്യമായി മെത്രാൻ പദവിയിലെത്തിയതുമായ മാർ മത്തായി കൊച്ചുപറമ്പിൽ SDB : DD , സലേഷ്യൻ മിഷണറിയും ആസാമിലെ കാർബി – ആംഗ്ലോംഗ് പ്രവിശ്യയിലെ ദിഫു രൂപതാ മെത്രാനുമായിരുന്നു. 1992 മാർച്ച് 4 ന് ദിവംഗതനായ പിതാവിൻ്റെ സ്മരണാർത്ഥമാണ് മാതൃ ഇടവക ഈ പുരസ്കാരം ഏർപ്പെടുത്തിയത് .
    പുരസ്കാദാന ചടങ്ങിൽ ഇടവകാംഗമായ ഫാ. ജോൺ തോമസ് കൊല്ലംപറമ്പിൽ , സൺഡേസ്കൂൾ പ്രധാനാധ്യാപകൻ സോണി മാത്യു തണ്ണിപ്പാറ ,  മാർ മത്തായി കൊച്ചുപറമ്പിൽ എഡ്യൂ . ട്രസ്റ്റ് ചെയർമാൻ ജോൺസൺ കൊച്ചുപറമ്പൻ എന്നിവർ പങ്കെടുത്തു .

    2021- 23 വർഷത്തെ അവാർഡിന് ലിയ ഫിലിപ്പിൻ്റെ സഹോദരി ദിയ ഫിലിപ്പും അർഹയായിരുന്നു.